令和居酒屋

营业中

休息中

次次約唔係差一個就差兩個，今次終於齊人了，約齊又要諗食乜，真係傷腦筋，不過大家都係做日本餐廳認識，最後都係食日本野。今次去呢一間令和同我之前去嗰個勁似，冇考究係唔係LU，裝修勁日式feel，好正！不過侍應數埋得三個，唔知係請唔到人定係覺得三個就已經夠，認真講真係招呼唔到，叫杯烏龍茶要等半個鐘？？係真唔係吖？？就咁斟出來喎，其他要冲調飲品，我就放過你，當兩個侍應同一時間招呼兩抬客人打邊爐及石燒，另外一人送餐，其他客人完全被忽略，又漏單⋯⋯想點先，好彩所有食物都有水凖，用餐愉快的。如果給我選擇的話我一定會去返同區另外一間，最起碼都有侍應招呼下，坐位好坐一點。

呢間係旺角既居酒屋真係好full，好彩預先book左位。裝修好有日本特色，每位客人入座都會敲鼓🤣————————🔸令和玉子燒 $38個玉子燒整得好出色，口感好綿密，入面係冇窿㗎，功夫好好！評分：🌕🌕🌕🌕🌘-🔸美國安格斯和牛肉 (200g) + 野菜豆腐籃 (壽喜燒) $218和牛牛味濃，口感嫩滑。野菜籃都幾多料，但個壽喜燒真係甜得滯，加返d鹹味會好d。評分：🌕🌕🌕🌖🌑-🔸燒鳥拼盤 $98 🔹燒雞棒👍🏻 🔹燒雞肉串👎🏻 🔹鹽燒雞軟骨 🔹鹽燒雞翼 🔹鹽燒雞皮痴線個雞肉串d雞肉乾到，完全冇水份，可能燒得太耐啦。。其他就不過不失。評分：🌕🌕🌕🌘🌑-🔸其他串燒/燒物 🔹燒飯團 $38 🔹燒和牛舌 $38 👍🏻 🔹白蔥豚肉串 $28燒牛舌一d都唔韌，其他都冇咩特別😂評分：🌕🌕🌕🌗🌑-🔸味醂河豚乾 $88甜甜地，燒得岩岩好，唔太乾！評分：🌕🌕🌕🌕🌑-🔸石燒M7澳洲和牛 (150g) $148呢個牛真係不得了。店員會拎個燒到熱哂既石板係你面前燒，打卡一流 (太大煙out哂fo影唔到)。味道就好好啦，但真係韌到痴左線，完全食唔到😑勁大力扯先

行到餐廳門口見到有好多着左燈嘅燈籠，已經好有日本餐廳嘅感覺，依家仲未去到日本，唯有食日本菜頂住先場上滿佈日本特色嘅貼紙坐低冇耐就有呢個免費嘅餐前小食，椰菜配酸酸地既汁，非常開胃其實呢間日本餐廳嘅菜式都比較多，有石板燒、串燒、鍋物、炸物，仲有火鍋添，一次過可以滿足你幾個願望，今日我就主打食串燒同埋鍋物為主首先嚟咗個燒飯糰，外層燒到金黃色，夠哂香脆，內裏鬆軟，仲有好香既飯味下面嗰兩串分別係金菇牛肉串$28同埋白蔥豚肉串$28話明冰燒入面真係好凍，外面熱辣辣脹卜卜嘅廣島蠔先甜美味估唔到呢度連芝士蛋糕都有得食，仲要係我最鍾意嘅抹茶味，加埋啲甜到漏嘅紅豆一齊食，呢餐簡直完美呢杯柚子蜜都好足料，唔好睇佢咁多冰，其實都好夠味