泰苑 (新墟村)

营业中

休息中

午餐大推蝦醬炒飯好有鑊氣，蝦醬味好濃好香，配上炒蛋同肉鬆咸甜咸絕好野味，引唔住一啖接一啖咁食，對係重口味必選跟餐仲包杯餐飲，抵食！送餐快！仲有免費泊車，抵讚！下次再試🤣

尋日去完龍鼓灘睇日落，一行四人苦惱緊到底要食咩？突然諗起有個奄尖朋友推介過依間係新墟村路口既泰菜，有共識後就去試下。到達後有架Tuk Tuk擺係門口俾人影相，好彩時間尚早，餐廳門前有幾個泊車位免費俾食客用。入到去環境舒服，分室外室內座。睇完菜牌，價錢比一般既貴dd，睇妳叫咩，但可以接受。我地點左青木瓜沙律，炸皮蛋蝦餅，燒豬頸肉，珀能咖哩雞，薄餅同蝦醬炒飯。評價如下：1）青木瓜沙律：酸酸地辣辣地，好味醒胃 2）炸皮蛋蝦餅：必點之選，皮蛋同蝦餅質感同味道好夾，熱辣辣又炸得鬆脆3）燒豬頸肉：以為依道菜最大路，實無事，點知咸左d嚡左d，希望佢只係一時失手，否則可以skip佢唔叫；4）珀能咖哩雞：即Penang，另一必點之選，重椰香易入口，雞肉嫩，送飯送薄餅都好食；5）薄餅：送咖哩好食，夠大份，一碟3件，可以分到6塊，4個人夠食；6）蝦醬炒飯：有齊泰國臘腸，蛋絲，賣相同味道都好總結：野食，環境同服務態度都好，屯門少有既好食泰菜，推薦大家一試。