勝興茶室

营业中

休息中

今日見天氣好，專程入坪洲行下朝早9:30就已經入到坪洲，即刻搵早餐食先因為太早所以無咩餐廳開門，行左幾步見呢間茶室有點心食就入去試下呢到d職員做野好隨意，就算寫左點心紙比佢落單，都唔會跟單出點心，反而會拎住一堆點心出來問你有冇邊樣岩食😅好彩佢地埋單係數枱面碗碟計數，所以其實可以無視左張點心紙🤣整體食物水準都唔錯，食完唔會好口渴，應該無咩味精，炸野都無油益味👍🏻👍🏻好過市區大酒樓好多🤣啦

估唔到香港仲有推車仔送點心嘅舊式茶樓😯，雖然知道小店D點心未必好味，但都想嚟懷舊一下。星期六中午12點嚟到，已經滿座，等左大概3個字入得。雖然有點心紙，但其實無用。完全取決於廚房蒸左乜，車仔就推出嚟比大家🙉 我地好慘坐門口位，車仔未推到嚟已經比入面D客拎哂….😂比較有特色嘅點心---即叫即煎桂花魚肉卷 $30係一款無桂花味嘅鹹點，口感係彈牙嘅魚肉，不過魚味薄弱。糯米包 $27 一層好薄嘅麵皮包住粒粒分明嘅糯米，口感幾好，鹹鹹地，但食唔出係咩味🤔。蝦餃 $29 正正常常，算係今餐最好嘅點心。以下完全唔推介金錢肚 $29 – 個醬汁唔好味，而且好水牛肉球 $27 – 肉質太軟，連馬蹄都好軟唔爽蝦球 – 似係魚肉多過蝦肉，完全無蝦味，亦食唔出蝦感🤔滑雞扎 $29 好少見有蟹柳嘅雞扎，而且仲要係廉價假蟹柳…我都係中意食唐記果D雞扎多D😅另外叫左個鳳爪排骨飯，$25大大盅，好多飯。雖然呢度貼住價錢表，但其實有D點心無Show出嚟，估計$25-29。好欣賞呢度嘅職員，上點心完全唔駛剔紙仔，但最後埋數果陣又可以計到幾錢先犀利!!😯 而且即使幾忙都好，都唔會黑面，又會扶住老人家出入，幾有愛心。埋單7

鄰里味道比食物味道重落船第一站梗系去出名的勝興茶室歎早茶，慢半步就最後一個位都無埋。改善點- 一入去就問你要粥同腸粉要叫定，其他點心就推車仔出來。但個牛肉腸去到埋單都漏單，因為其他遲來的客人單都來曬。-點心推出來啦！但同現在的酒樓是車仔車仔下面有個爐，可能有部分點心可能上一車未賣曬就會凍左。好似我叫三個點心，其中一個燒賣就系咁，最後食一粒就無食。優點 or 缺點- 對本地人肯定好有鄰里人情味，無論堂食或者外賣的人，都大家可以談話講笑，甚至比較粗俗的對話，哈哈，睇你遊客頂得住就OK。鵪鶉蛋燒賣（3分）- 哩種燒賣的肉同下面隻普通燒賣吾同，有D似雞肉，肉都系一粒粒，-鵪鶉蛋都幾好味燒賣（2分）- 本來肉質因為系一粒粒切，所以好有咬口，但就系因為可能系上一車買剩，吾熱尤其是個心。蝦餃（3分）- 蝦餃皮系幾薄同滑，蝦就吾爽啦，比較細粒所以無咬口。魚肉皮蛋粥（3分）- 魚肉系幾有魚味，但皮蛋就無乜味。-粥底幾香同埋滑，吾乖得大部分本地人都叫啦。