泰國素食

营业中

休息中

二訪九龍城嘅泰國素食。餐牌上嘅菜式同我之前黎嘅時候差不多，但午餐嘅價錢統一加到$60，而其他小食同主食嘅價錢都加咗價。午餐: (送飲品-洛神花汁 Roselle)泰式炒金邊河粉 ($60)Pat Thai In Flat Noodles之前睇openrice嘅相以為冇咩配料，味道比較淡，點知食落好有驚喜。金邊河粉味道酸酸甜甜，似咕嚕肉嘅汁，配料有素肉(口感類似素咕嚕肉)、豆腐 (炸豆腐切條)、豆角，旁邊仲有花生碎、青檸等食材提供以自行調味，加入幾滴青檸後味道更加清新，增加咗泰式嘅風味。蝦餅拼魚餅 ($60)Deep fried fish & prawn cake蝦餅外脆內軟，質感類似薯蓉，再撈埋爽口嘅食材，例如青瓜粒、粟米粒同類似蓮藕嘅配料。魚餅就比較普通，用素肉漿整成，再撈埋豆角粒。本身兩者嘅味道都唔太濃，沾上旁邊嘅醬汁黎食，味道會變得酸酸哋。柚子沙律 ($70)Pomelo salad初頭我哋唔識食，以為柚子沙律只係將柚子肉撈埋紅辣椒碎同腰果就算，質感比較乾而且冇咩特色，點知食到一半先發現原來底下嘅醬汁比生菜蓋住咗，要撈埋底下嘅醬汁一齊食。醬汁花生味偏重，仲有少少花生碎，成碟沙律即

泰國素食 九龍城城南道28號地下星期六下畫2點多來到呢間「泰國素食」諗住食下素，店內已經坐滿了人，沒有台要等候；因lunch只到3點，已經開始要落last order，我們便先點餐。蝦餅拼魚餅：裏面有豆蓉芋頭等材料整成，幾特別。素肉串燒：同想像不同，不是用素肉而是用了腐皮，有點失望，唔點醬係完全冇味，不過點醬後加了不少分，好香香茅、魚露味同夠辣。九層塔辣炒河：好惹味，不過素牛肉得三塊，仲要好似手指甲咁細塊….埋單兩百多元，其實唔算貴，不過食完唔太飽，要去買糖水；而鋪面非常狹窄，坐得不舒服；覺得有啲唔抵食…

喺九龍城有得食素食嘅地方唔多，係OpenRice搵到呢間素食餐館，跟住即刻去試一試。一定要試一試呢個香辣炒素雞，味道非常之好，又唔係好辣，調味真係做得好好。沙嗲素雞都真係幾好食，同真正食串燒雞差唔多。為一差小小嘅係紅咖喱素鴨，味道比較淡，咖喱味不夠重。冬陰公湯都幾好飲，好清新。唔算太辣，好多菜同埋佢用咗中國娃娃菜令到個湯底夠甜，非常好飲的。環境新裝修幾好的，好乾淨同埋好整齊，唯一可以進步嘅就係個燈太光，如果暗番少少食慾會比較好啲。啱啱試食咗兩個禮拜素食，我覺呢度啲嘢食都有啲似真正泰國嘢，唔覺得泰國嘢需要肉先好食，素食都可以好好食。