米走雞Deluxe (已搬遷) 新店位置

由觀塘到銅鑼灣，我算係米走雞嘅長期粉絲，今晚諗唔到食咩，又嚟幫襯lu~=========================火焰麻辣雞煲(小) $168呢度嘅雞煲辣度可以選擇，我哋揀咗兩隻辣椒嘅辣度🌶 上枱嘅時候，店員再點火加埋麻辣汁拌炒，真係有火焰㗎😂 有雞胸有雞脾肉，雞肉嫩滑有肉汁，份量夠兩人食，食完已經半飽。牛柏葉 $43喺加湯之前，我哋嗌一份牛柏葉，用雞煲剩餘嘅辣汁嚟煮，有啲似乾鍋咁，正～特級雪花肥牛(小) $158肥牛嘅油花分布算平均，唔會有半塊都係肥膏，肉質軟腍有肉味，份量比想像中多蟹子鮮蝦滑 $88蝦滑有鮮蝦肉，令到本身彈牙嘅蝦滑變得更爽口，面頭嘅蟹籽除咗為蝦滑增加一啲顏色之外，亦有脆脆嘅口感蘿蔔 $39蘿蔔索咗辣湯嘅味道，清甜得嚟帶少少辣勁=========================米走雞Deluxe 📍銅鑼灣渣甸街50號渣甸中心3樓

今日白色情人節，又同女朋友簡單食個雞煲慶祝下。黎到渣甸街嘅樓上雞米走雞，上到黎店外有支燈柱同招牌。之前去過觀塘店比較大同有live band有人busking，銅鑼灣店就細少少比較別緻。米走雞招牌有黃金芝士同火焰麻辣，我地比較鐘意食麻辣，所以叫左2隻辣椒仔(我諗係中辣)。一陣後店員就拎住雞煲過黎，煲一陣後店員會為雞煲點火，真火焰雞煲黎喇！=============================火焰雞煲(半隻) $168落埋辣汁撈埋後可以食喇，連埋洋蔥賣相好靚呀！雞件好嫩好多肉，建議洋蔥煲淋d入味d。不過2個人叫唔到好多餸，再建議落湯之前可以叫個牛柏葉撈辣汁食好好食！ 牛柏葉 $43加湯可以加清湯/麻辣湯，我地加左麻辣湯，辣辣地幾正。再嗌多左幾個餸打邊爐。 特級雪花肥牛 $158牛唔係好肥，牛味濃郁，正！  蟹子鮮蝦滑 $88蝦滑好彈牙，有啖啖蝦肉，唔會有腥味蘿白 $39最後梗係要叫份蘿白吸收哂d辣湯嘅精華 ，正！米走雞Deluxe📍銅鑼灣渣甸街50號渣甸中心3樓

雞煲食得多，今次食下芝士雞煲夠晒邪惡。米走雞環境寛敞，入內唔會好大陣火鍋味，整體乾淨。價錢經濟，間中食下大煲芝士確係幾過癮的。黃金芝士雞煲(小) $178雞煲份量唔少，約三十件雞夠二至三人食，件件雞上脾部位，肉質嫩兼啖啖肉。芝士落得勁多，芝味濃郁唔會好咸，煲內仲有好多洋蔥滾耐左增加甜味。雞件早已熟，慢火煮溶芝士就好快食得。雞件夾上來有拉絲效果非常邪惡，絕對滿足芝士癮。食完雞件第二階段加清湯，可以滾其他配料。鮮炸響鈴(半份) $28響鈴三大條，落湯灼幾秒就食得，半軟脆卜卜，索晒芝士湯食好正。炸魚皮 $48脆卜卜大大條幾好食，可惜無半份叫份量勁多，好驚好驚好似食極都仲有。蟹子鮮蝦滑 $88蝦滑竟然有粒粒蝦肉，比出面食開的更爽口彈牙。雜菇拼盤 $44雜菇大兜樣樣有，冬菇、金菇、雞脾菇、秀珍菇皆見。口感鮮嫩彈牙掛晒芝士汁，又係咁正。蜂巢冰豆腐(半份) $24厚切五件大大件，唔多索汁可能仲未完全解凍，食一件已好飽，此刻已無能力ＫＯ埋其餘三件了。酸梅湯 $68一大壺好抵飲，酸酸甜甜飲落頗開胃，解渴解膩的最佳飲料。

今日約好了同朋友一齊食雞煲，大家都想試特別口味的雞煲，一致選擇了這間。一早了訂七點的台，去到剛好有位置，不用等待。我們一行六人，所以決定試曬兩款口味口味有分等級，芝士可選無芝士碎、小量芝士碎、普通芝士碎和激量芝士碎，而麻辣可選BB辣、小辣、中辣手、大辣和勁辣。我們最後分別點了普通芝士碎的黃金芝士雞煲（小）$178和小辣的火焰麻辣雞煲（小）$168。之後我們點了手切特級霜降和牛（大）$388，蒙古羊肉片$148，蟹子鮮蝦滑$88，娃娃菜$44，鮮炸響鈴$52，雞髀菇$34。煲上的時間很快，職員為我們調整火的溫度，並提示食用時間。 當兩煲都可以食用時，店員會為麻辣雞煲點火，火焰大起，絕對是打卡好機會然後再作搞拌，並建議芝士雞煲可直接食用。我先吃的是火焰麻辣雞，對於中意食辣的人來說，味道麻得過癮，辣度會在口中逗留，非常好食，而且雞件大件又滑身啖啖肉真係好有滿足感。另外，黃金芝士雞亦十分出色，芝士味香濃但不膩，夾起時可以做到拉絲效果，加上在口中芝士完全不掩蓋雞味，大贊雞煲食完後，之後店員分別幫我們加了芝士湯和麻辣湯是湯底味道更濃。之後上菜的是手切特級霜降和牛、蒙古羊肉片和蟹子鮮蝦滑。和牛淥的時

開始天氣入涼，打邊爐一定最好不過～一入到去睇個menu其實款款都好想叫，種種都好吸引,但因為天氣涼涼地既關係都係叫左個藥膳美人鍋，補一補。值得一讚嘅係火鍋材料竟然可以半份半份叫，就算兩個人食都可以叫多幾種食不同既食物，最岩我呢d每樣都想食小小嘅人👍🏻職員一開始都攞左D調味醬料豉油比我地,可以先調教定自己要既醬汁口味,有齊曬火鍋要用既用料👍🏻一開始黎左個藥膳美人鍋已經飄出陣陣好濃既香味，呢種天氣再飲呢種濃濃既藥膳湯更加會想一口接一口，跟住佢叫我地飲住個湯先。職員都好細心比定個衫套幫朋友套住左件衫等佢唔洗整污糟，呢個舉動好貼心。再上左個開胃紫薑流心皮蛋，平時出面好小紫薑配皮蛋，幾特別，係開左個胃就開始上其他火鍋配料～樣樣望上去都好新鮮。五香鮮牛肉我非常推介一定要叫！好耐未食過呢種入口即溶又有牛味既鮮牛肉，我食完馬上心心眼望住我個朋友，兩個都非常享受呢個鮮牛肉。蟹子鮮蝦滑絕對唔馬虎，好小可見到咁足料，每一羹蝦滑都非常多蝦係入面。而且蝦滑非常爽口，彈牙。鵝腸洗得非常乾淨，入口爽👍🏻油麥菜同紅薯粉配藥膳湯好入味～對於整體全晚既全部食物我非常滿意，會再同屋企人或者朋友再來吃，再吃多次這個藥膳美人鍋

今日又來到米走雞開餐， 上次試過火焰麻辣雞煲，一試難忘今次encore試中辣一嚟到又係先混醬呢度係兩人份雞煲，$158，非常足料啊，而且每一舊雞都啖啖肉，非常抵食配上辣汁，呢個係店員幫我地攪拌，仲有表演睇添真係好大火我同朋友即刻相機食先，啱晒鍾意打卡嘅朋友真係好鍾意食佢隻雞， 今日咬落真係辣得黎甜甜地，加埋大量嘅洋蔥，好夾啊個味食極都唔厭，我同朋友兩個女仔都清得晒成煲雞，重點係佢每舊雞都係雞腿雞胸，絕對每啖都有肉食完雞煲叫佢加啲麻辣湯，開始打邊爐呢個蝦滑十個推！！！仲真係有一隻隻蝦係入面，口感一流必食嘅大大嚿響鈴🔔每次食麻辣鍋我都會點嘅紅薯粉一個人三百內搞掂，下次再黎

情人節同男朋友出街食飯慶祝，一早已經協定左唔食西餐set dinner，而且凍冰冰想食火鍋。於是諗起之前食過米走雞的雞煲火鍋，一search之下先知原來開左deluxe版！Deluxe坐位較舒服闊落，menu上的野食高級啲，情人節就豪一豪！Gillardeau生蠔 ($88)先黎個蠔華的頭盤！見$88有4隻法國即開生蠔，平均$22隻，都幾抵食！呢款生蠔有咸咸的海水味，肉質爽脆。佢比左兩款醬汁，一款係茄汁，另一款係我喜歡的青檸汁，除左比左新鮮檸檬我地，淋埋青檸汁更加清新！Floris Mango;  Floris Passion  Fruit ($48)打邊爐唔少得冰凍啤酒，呢度竟然有依家好hit既手工啤！Floris啤入口較淡，好香鮮果味，比較適合女士！個人覺得熱情果味比芒果香。黃金芝士雞煲(小) ($158)個雞煲有超多芹菜、乾蔥同最重要既--芝士碎！雞件啖啖肉，每一啖都食得好芝味，因為啲芝士汁都掛曬係啲肉上。呢度個芝士汁唔似平時中式酒樓既芝士龍蝦個汁咁杰咁膩，但依然好香好滑。美國桶蠔 (148)食完生蠔都未夠喉，要食多幾隻桶蠔先滿足。桶蠔有手掌咁大隻，又好厚肉，烚完之後都無咩點縮水