Felice Cafe & Pasta (已結業)

記得呢度啱啱開嗰陣嚟過，不過覺得麻麻，但朋友話而家好味咗好多，值得一試咁話喎。好啦，再試多次！西京燒龍脷柳配薯菜 ($88)塊龍脷柳煎得外脆而且帶少少甜味，魚肉就嫩滑，好多時食西京燒銀鱈魚會覺得外層太甜，但呢個係帶有西京燒味道不過係溫和版，果然不錯蟹肉忌廉蘆筍醬意粉 ($98)份量大得很，意粉好似食極都仲有咁！而且蟹肉係遍滿整碟意粉，差不多每一條意粉都沾滿蟹肉，好誇張！同埋雖然話係蘆筍醬，但都真係有條條幼細嘅蘆筍，仲要係冇渣㗎~ 食到最尾嗰啖，都仲有好多蟹肉！！！咁都得嘅？！蝶豆花白桃梳打又係呃like良物蝶豆花，味道唔算好甜，透心涼~果然進步咗好多！而且價錢合理，朋友冇介紹錯~

銅鑼灣有間幾有情調嘅黃店💛，位於較多Cafe集中的希雲街，叫咗兩個lunch sets:🍴西京燒龍脷柳配薯菜 $88🍴蟹肉忌廉蘆筍醬意粉 $78🥤碟豆花白桃梳打🥤Vanilla Latte我覺得意粉貌相就普通咗啲，唔係好明顯見到蟹肉，雖然平平無奇，但食落口都可以，忌廉汁都幾香濃。龍脷柳四塊，肉質都幾軟滑，個碟好多係薯菜😋。見佢比較出名係蟹肉鹹蛋黃意粉，可惜lunch set唔見有，呢餐整體來講中規中矩。當日冇乜人，同朋友可以靜靜地吹下水。佈置好「黃」，掛滿文宣，門外又有lennon wall📝。

位於銅鑼灣地鐵站F出口，步行不到5分鐘，有家Felipe Cafe & Pasta。店面不大，餐廳的環境布置給人柔和、舒服、寧靜的氣氛。我到時lunch時段，有4款lunch set可選擇。套餐有沙律、主菜及飲品。黑醋素菜沙律：素菜非常新鮮加上黑醋好醒胃。蟹肉忌廉蘆筍醬意粉：給到我好大驚喜及滿足，忌廉蘆筍汁香滑濃厚，但口感唔會過腍，意粉彈牙好入味，又幾多蟹肉好足料，大大盤好快食晒。西京燒龍脷柳配薯菜中規中矩。咖啡香滑，碟豆花白桃梳打，層次分明，好靚又健康。整體而言，店主用咗好多心思，無任從環境布局、服務質素到菜式出品等，都做得好好。是家有值得推薦的西餐廳。