影片
更多
2023-03-01
1412 浏览
因為有集團嘅coupon而嚟試吓，用非會員價叫dinner set或者單點都可以用coupon，我哋覺得set唔係特別抵所以單點，單點多好多選擇。服務好，環境好，大落地玻璃望海，法國餐廳格局，service ok，食完一道再煮下一道菜，另外收碟速度好快。每道菜送上，都會講講呢道菜咩名，入面有啲咩。一坐低就會問你要礦泉水定普通暖水，礦泉水嘅會問要有氣定冇氣，我哋揀咗有氣礦泉水，埋單$78一支，落單唔會特別講要幾錢。先送上麵包籃有松露牛油同cream cheese，兩款都非常軟身好易搽上麵包，麵包有合桃提子包、牛角包、2塊脆餅。松露牛油幾香，個牛油都好香好creamy，略略松露味不太濃，creamcheese有香蔥味，搽落脆餅比麵包好食，有少少似台灣牛軋餅味道。麵包軟熟，脆餅香脆。薄切生牛肉片 馬沙拉酒 松露油 松露份量比想像中多，以為得幾塊，呢度都有廿幾塊，不過真係好薄，個馬沙拉酒味都幾勁，同埋有松露油浸住，食完個咀都幾油。塊牛肉連埋啲配料一齊食會仲好食，尤其係個番茄好甜。焗北海道帶子 露筍 松露有4粒帶子，比芝士蛋覆蓋住，芝士蛋超好食超香，質地挺身似玉子豆腐嗰種，好香好濃但唔會
服務好，環境好，大落地玻璃望海，法國餐廳格局，service ok，食完一道再煮下一道菜，另外收碟速度好快。每道菜送上，都會講講呢道菜咩名，入面有啲咩。
一坐低就會問你要礦泉水定普通暖水，礦泉水嘅會問要有氣定冇氣，我哋揀咗有氣礦泉水，埋單$78一支，落單唔會特別講要幾錢。
有氣礦泉水
$78
16 浏览
0 赞好
0 留言
先送上麵包籃
有松露牛油同cream cheese，兩款都非常軟身好易搽上麵包，麵包有合桃提子包、牛角包、2塊脆餅。
松露牛油幾香，個牛油都好香好creamy，略略松露味不太濃，creamcheese有香蔥味，搽落脆餅比麵包好食，有少少似台灣牛軋餅味道。麵包軟熟，脆餅香脆。
麵包籃
28 浏览
0 赞好
0 留言
薄切生牛肉片 馬沙拉酒 松露油 松露
份量比想像中多，以為得幾塊，呢度都有廿幾塊，不過真係好薄，個馬沙拉酒味都幾勁，同埋有松露油浸住，食完個咀都幾油。塊牛肉連埋啲配料一齊食會仲好食，尤其係個番茄好甜。
薄切生牛肉片 馬沙拉酒 松露油 松露
$208
27 浏览
0 赞好
0 留言
焗北海道帶子 露筍 松露
有4粒帶子，比芝士蛋覆蓋住，芝士蛋超好食超香，質地挺身似玉子豆腐嗰種，好香好濃但唔會太漏。帶子都幾大粒，口感非常軟熟，焗得好香。下面有4條露筍，好粗勁鮮甜。
焗北海道帶子 露筍 松露
$208
23 浏览
0 赞好
0 留言
露筍
25 浏览
0 赞好
0 留言
蟹肉松露意大利飯
面頭啲三文魚子唔腥，真係有好香三文魚味，個汁好 creamy，夠多汁，不過咸咗啲，入面食到啲蟹肉都好甜，飯粒偏軟身。
蟹肉松露意大利飯
$258
48 浏览
0 赞好
0 留言
是日鮮魚 松露
係海鱸魚，好厚身。個皮勁脆咬落去脆卜卜，面頭咸咸地好食，魚肉好厚實挺身，唔鞋，好鮮味，點埋啲松露汁岩岩好，沒有魚骨。旁邊嘅蔬菜同南瓜蓉都不錯。
是日鮮魚 松露
$368
49 浏览
0 赞好
0 留言
烤美國頂級牛柳 松露
全餐都食得好滿意，估唔到敗在最後呢個牛柳，呢個牛柳係咁多道菜之中最貴，都幾期待。
叫咗5成熟，我諗起碼有7成熟。肉比較乾，好鞋好硬，食落好似中式叉燒/燒肉，甚至似煲完湯嘅豬肉咁鞋，亦唔係好有牛柳味，加上職員上菜時一開始都講錯咗呢舊係西冷，懷疑其實都唔知比咗咩肉我。
烤美國頂級牛柳 松露
$438
14 浏览
0 赞好
0 留言
张贴
