Greyhound Café (又一城)

营业中

休息中

以前每前去Greyhound必點生蝦+炒蝦金邊粉，係轉新菜單之後都無用呢2款菜式，但新品依然好味😋新品有椒鹽蝦，椒鹽扇貝等等，以海鮮類別之主，不過因為當時椒鹽蝦賣哂，唯有等下次。新品既蟹肉炒飯，好正！如果食得辣既就一定要撈埋綠色辣椒🌶️非常滋味另外，仲有一向大熱既單骨雞翼，蟹肉粟米餅同埋三文魚，真係回味指數高👍🏻平日係Greyhound都係嗌飲泰式凍檬茶同埋泰式奶茶，今晚同左一個”酒鬼”食飯就嗌左Vodka + Wiskey，好抵飲，$78/杯。

星期六晚到同家人去又一城行行順說晚餐，間間餐廳都排長龍，見這間條龍唔多人就排這間啦！排左15分鐘左右就到，噤就食這間啦！整體嚟講可以話味道都可以，不過份量真係偏細同偏貴，四個人食完噤多碟，得出一個感覺就係食物都ok,但噤細碟，最好味係蟹肉炒飯同兩款麵包，最唔抵唔好味係米子卷同果個魚餅同蝦丸、其他都係一般，明白點解唔洗排長龍因爲如果一家大小去食唔知要叫幾多碟🤣🤣🤣🤣🤣🤣🤣，如果份量可以加多小小就會吸引客人下次再來。

收左工去食，順便慶祝下。賣相係幾好，而且味道都唔錯。以fusion菜黎講，d sauce 係好值得一贊，味道有香草配搭，幾特別下。叫左三碟菜式，我就覺得個蟹肉炒飯，係最好味⋯ 同埋食到個蟹味，新鮮既，料又足，可以再encore 另外果兩個菜式就普普通通，反而賣相就做得好好⋯ 味道亦不錯，可能材料唔係太新鮮，攪到無咁出色。牛肉粒就食落肉質有些鞋⋯ 有少少雪過既肉感而另外，鵝肝醬多士就係食左兩啖咁⋯ 我就唔太喜歡，個味道麻麻地。反而配搭既芒果醬就幾得意，甜甜地，幾夾個多士。