奈良上釜 (已結業)

第一次嚟呢間咁多好食評嘅釜飯日本餐廳，即管試吓係咪咁好味🤔香味枝豆（$48）未食過炒枝豆，應該係加咗啲七味粉一齊炒，有啲辣，但係幾好味。五目魚餅（$58）炸得幾好味，唔會太油膩，唔係好大份。🌟前菜擺得實在太靚😍，最出色嘅係燉蛋。燉蛋唔會好似其他餐廳果D咁水，應該係蛋嘅份量多啲，比較實但係又滑，仲有蟹肉同埋少少黑松露😍。蟹盛（$308）真係大份，好多嘢食🤩。有三隻蟹腳，同埋第一次食嘅蟹天婦羅🤔幾特別。釜飯面頭有蟹籽、蟹肉同埋蟹膏，肉嘅份量都好多好抵食👍🏻。鰻魚釜（$168）鰻魚都好多，但係唔係特別出色。蟹釜（$198）強烈推介呢個👍🏻超多蟹肉好抵食😮，蟹肉好新鮮😋飯又夠香。月見和牛釜（$198）好多牛肉粒，牛肉腍。啲燒汁撈埋啲飯食好味😋。🍤海老天婦羅（$88）有三隻大蝦，炸得唔錯，好脆。唐揚炸雞（$78）雖然係脆，但係細舊。整體來講，呢間餐廳係主打釜飯，所以煮得比較出色。雖然價錢係貴左少少，但係份量真係好多😮好抵食，尤其是係蟹肉，肉都好多🤩。服務員嘅態度都好好👍🏻餐廳比較細，所以唔係太適宜一班人嚟食。下次會來試吓午餐☺️

之前未有優惠時已經黎呢度食過兩次，原價食係有小小貴，但質數份量絕對吾呃秤。見到呢間餐廳某些時段竟然有半價優惠，嘩，咁抵冇理由吾食丫嘛！釜飯嘅前菜比以前更豐富，有6款咁多！每款用吾同器皿盛放，賞心悅目前菜有牛舌粒（幾重牛味，肉質柔軟），蕃薯，漬物，凍豆腐，吞拿魚粒（鹹左d), 仲有超好味豪華嘅茶碗蒸！茶碗蒸單叫$38, 入面超多料，有三文魚子，香菇，鳴門卷，蝦，蟹肉，松露...真心單叫都勁抵食！又滑又濃蛋香味，記住要趁熱食！刺身係跟三種盛釜嘅，普普通通三種盛釜熱辣辣釜飯登場！內有大蝦一隻，蠔兩粒，香菇，鰻魚。我之前食過佢地嘅月見牛釜飯同三文魚釜飯，兩款都非常出色，今次食嘅三種盛釜飯就被比下去啦，大蝦冇味，蠔有小許腥，可能海鮮吾太新鮮，本應吸收左滿滿海鮮精華嘅飯變得略為失色。都好味嘅，不過吾夠之前食過果兩款咁正。蟹釜好多好多嘅蟹肉，三文魚子卜卜脆，個飯吸收晒蟹嘅淡淡清香，好食！ 不過我同老公都係較重口味人士，會覺得略為淡左小小。釜飯份量頗大，一份可以𢳂到2.5碗飯，再加埋豐富嘅前菜，兩個人實在食吾落其他小食。趁佢仲有半價會再去試新野

打邊爐同日本餐選擇……友人們揀左過海。Happy Friday遲左收工，經openrice 訂左1930，店員細心1935再次來電確認是否出席，幸得店家體諒留枱，同時友人亦都到達餐廳。店面不是太大，但係都坐得舒服，我地3個女生雞啄唔斷，門外亦不絕walk-in客人。3個女生一人試一款套餐，我為左蟹盛而來年尾收爐，對自己好啲

晚上8點無訂位情況去試排奈良上釜，重拾在奈良嘗試過嘅味道，用了40分鐘先入到去，等到好饑餓，到點菜到上菜又等左35分鐘，等到胃都痛，有點不解是為什麼他們不可以先上前菜，湯同蒸蛋，安排有待改善，齋等35分鐘先有嘢食，由於係細舖嘅關係環境比較擠迫。今次點嘅飯蟹釜$188蒸蛋味道很香，口感鮮味蟹釜，味道比較淡口總括： 一試無妨，性價比較普通，要有耐性地排隊再等食物上菜，建議先打電話訂位，有機會再試其他釜飯。