發記腸粉粥品

营业中

休息中

好耐無入元朗嚕，雖然附近好多好好味既小店，但始終行到去之前一直都有光顧既發記❤️無論係價錢抵食定味道，一樣稱心！就算要排隊等位，20分鐘我都會等既店😛罕有我會花時間排隊既店😆😆😆今次食唔到太多，叫左個蠔仔碎牛粥！生滾粥係好唔同，粥較一般既店多米，粥底吸收左碎牛同蠔仔既精華，就咁食粥已經有食材既味道🤤材料一直非常足料就已經唔洗講，蠔仔中size有成十幾粒，碎牛野味👍🏼🤤 鮮蝦腸每條都有三粒蝦，非常足料😆d熱醬油都唔會浸到條腸粉好咸，甜甜地😚腸粉滑溜唔痴牙，正呀！💦💦💦💦👅

成日見到間粥店好多人係門口排對，但到底點解食粥要排隊呢？食完覺得佢價錢貼地，唔會負擔唔起。而用料新鮮，豬潤同牛肉都非精粉嫩，粥底亦不會太浠。個人喜歡腸粉皮厚得黎又有質感，可以沾多D佢地既小甜鼓油，食落口有番細細個係傳統粥鋪果D味😍乾炒牛河既牛肉好滑，但想食鑊氣既就要去番茶記啦。蠔仔碎牛粥真係不得了，我食到最大粒果隻蠔中大過我手指公，而且絕對唔係一碗得三四粒！炸兩既油炸鬼都尚算新鮮，而且中有花生醬可以自己加，好似食腸粉咁😂

天氣一凍就想食煲仔飯同生滾粥，發記是我們冬天到元朗都一定會食。鐵膽豬潤碎牛粥（HK$24），粥底夠綿，豬潤大大塊兼厚身，足料又爽口，食過咁多次都不會粉和鞋口！推薦！蠔仔碎牛粥（HK$33），好多蠔仔而且粒粒飽滿沒腥味乾炒肉片河（HK$26），撈埋粥一齊食還好，但單食有點太咸叉燒腸粉（HK$16），腸粉夠滑，但叉燒切得太碎不太喜歡埋單HK$99，冬天暖胃和宵夜之選，好飽…….