新泉發潮州飯店 (已結業)

前排同莊員們莊聚就去咗旺角打冷😛.基本上都同平常打冷差唔多，整體都唔錯。價錢都合理，人均一百蚊左右。(補充：有同行朋友話覺得份量少，「碟嘢輕過空氣」。😂)只係我覺得鹵水鵝片真係切得太薄了🙈😹負責切鵝片嘅師傅真係唔簡單，刀功真係好好😂.位於旺角站附近，地點方便，真係一班人食飯之選😛不過夜晚都幾多人食，我地當晚就7:30pm去就直接有位唔洗等，但真係一坐低就開始愈來愈多人，真係遲少少嚟就冇位/要等位啦！菜甫煎蛋好好送飯，菜甫不會過咸。其實有時去打冷叫炸蠔餅，有啲炸蠔餅真係炸到好似炸彈咁😂但呢到嘅蠔餅唔會炸得太over，我幾鐘意。呢到嘅滷水嘢唔算特別出色，而鵝片就因為太薄，薄到我食唔出究竟佢入唔入味😂😂🙈同埋我地本身醒唔起滷水鵝片下面就有一層滷水豆腐，跟住又叫多咗碟滷水豆腐😂😂大家唔好好似我地咁呀🙈

第一次黎依間店，地方果然夠麻甩，不過咁先夠地道風味。如女士們或中意好乾淨或舒適的地方，此店未必會係你杯茶喇，此店主打係平靚正同麻甩。今晚消費連啤酒共320，無訂位，但去到都唔洗等，好運。叫咗鹵水鵝，佢地上咗碟鵝脾，夠肥美又滑。鵝腸墨魚合格，唔會過火同嚡。蠔餅幾好食蠔都幾大粒，全晚唯一遺憾，反而係個湯，胡椒味唔夠，不過以依個價格，我已十分滿意了。

樓高兩層喺朗方斜對面既打冷,環境古舊,專食打冷小菜,食物選擇少,但質素吾錯我地一行5 人點左韮菜豬紅 好味,豬紅爽口夠彈性,韮菜新鮮,醬汁濃厚蠔餅 比較薄身,口感有咬口D,都火錯通菜 新鮮點腐乳OK烏頭 一般冇黃油,但算新鮮鹵水鵝 鹵鵝肥瘦適中,配以豆腐同花生好味, 最重要係鹵水陳年芽菜豆卜 口感清新爽口鹵味併盤 鹵味醃得好入味,魷魚鵝腸特別爽口食物整體吾錯,而且價錢平值得一試

朋友飯本應諗住去食日式放題但諗諗下要2百幾蚊食埋o個d野，都係算啦！轉場轉場轉場，有人提意去打冷，本應想去試下米豬連o個間o既，但係朋友話得好小台，又話好多人，好啦好啦！第2間囉。近近地就呢間啦！8點幾去到，爆哂。一個姐姐話冇位啊，但另一個即刻叫我地上樓上，原來有2樓o既！一上度去，好大陣煙味，上到去等左好耐都冇人埋我地，因為上面係冇人埋嫁，一度想打電話落去叫嫁啦。仲有2樓好有呢個打冷大排檔feel，因為好嘈，大家要好嗌先聽到大家講咩。有個姐姐上黎，二話不說叫住佢啦，仲比佢走，好耐冇食掌翼，所以就叫黎食下。OK啦。但D花生好硬下。滷水鵝片&豆腐，鵝片係有小小肥，但好入味，幾好食。因為好多時都係好老D肉，但佢又唔會，反而D滷水豆腐就唔好食，因為佢係滷水豆卜黎o既，有小小硬睇唔睇到隻蠔仔mad我嗌o個時係方魚蠔仔肉碎粥，但唔知點解阿姐死重覆蠔仔肉碎粥，我話係方魚蠔仔肉碎粥，佢再重覆蠔仔肉碎粥。我心諗你地係咪冇方魚啊?黎到不左不，有一粒咁大把。朋友話要食瀨尿蝦，時價$80。唔好食，好pat d肉。蠔餅打冷必點之一，第一次食度唔算好油o既蠔餅，平時食o個d令立立，呢個又唔會wor，所以都食左幾