醉潮館

营业中

休息中

呢間餐廳我自己已經黎過好多次😆但今次韓國朋友話想食地道餐廳我就帶左佢地黎啦😆冇卜到位，6點幾walk in，好彩岩岩好有位🙈我地叫左蠔餅好多蠔係入面🤤好好食韓國朋友話平時吾食蠔但呢個好ok!另外仲叫左沙茶醬炒麵同椒鹽鮮魷佢地又係食到舔舔脷🤣仲問我沙茶醬係咩我真係吾識答🤣🤣最後佢地都好滿意呢間餐廳又話好Local，下次要再黎

同屋企人食飯，想食潮州/打冷野，所以一試。餐廳裝修有心思有特色，木板枱凳，「武林秘笈」餐牌。地方唔算大，滿座後不寬敞，但氣氛熱鬧，而且乾淨舒適。鹹魚青菜，各有所好。食物中上水平，性價比高，值得再來。下次會點乳鴿、卜卜蜆和蟹粥。

同媽咪去咗食呢一間潮州餐廳。平日去，book咗7:00pm ，去度成間餐廳勁多人簡單地講，呢間餐廳埋單發現好平。地方唔算好舒服，不過正正常常。大概一個人$100都唔洗。😳😳叫咗一個蠔餅，蠔餅超推介😋😋好脆跟住叫咗小米餃，唔記得影相，屋企人話覺得好鹹，不過我就覺得OK。不過我唔係特別推介，皮好厚然後仲叫咗個牙籤雞，牙籤雞都係平靚正，不過都係唔記得影相。但係好脆，肉質都好嫩口。最後仲叫咗個炒粉絲，不過不失啦。

中秋約埋大佬同媽子食餐飯，媽子係潮州人大佬就揀呢間開餐 😀Openrice 訂座只可揀 6：30，我哋泊車遲咗啲，打去餐廳講聲，好有禮貌回覆叫我哋慢慢 👍坐底就由大佬發辦揀食物，媽子鍾意食椒鹽九肚魚，粉槳一啲都唔厚，炒花甲個汁好香口，最正就係無沙 🤣 韮菜豬紅大佬話食返以前老豆煮嘅味道 🥰西蘭花鮮魷啲魷魚好正，唔好理膽固醇住啦 🤭🤭 其他食物都美味，係啲菜有啲老，食材可以揀好啲。餐廳格局有小小迫，隔離檯班大叔講嘢好大聲，成間餐廳都比佢哋啲聲蓋住 😣😣 嫂嫂話有機會試多次都係咁嘈就唔再返轉頭 😅😅媽子都話啲嘢好食，其實係見到大佬就乜都好食就真 🤣🤣🤣5 條友 8個餸兩碗粥，埋單 $900，一啲都唔貴 👍👍

三陂坊有成幾間大排檔，夜晚超熱鬧。今次就同朋友黎左呢間潮州菜館，新派嘅打冷好多人推介😜餐廳位於最邊邊位置，都幾隱蔽。室內位置都稍狹窄，傾計要好大聲大家先聽到🤣🔸即滾潮汕砂鍋海鮮粥（HK$220）大推呢個砂鍋粥，有大小份量選擇，就算少人黎都可以食呢。粥底唔會太稀都唔會太實，口感岩岩好。揀左蟹同魚肉，而且可以自由配搭食材，好多海鮮選擇，散發陣陣鮮味😍🔸 椒鹽九肚魚（HK$88）經過見到每一枱都有呢個，椒鹽味唔會太鹹，好惹味脆口，咬落都唔多骨😆🔸 蠔餅（HK$88）蠔餅大大塊，蠔都算多，而且唔會有明顯腥味，食到後期就略油左少少啦😂🔸香辣炒蜆（HK$108）份量都多，食落唔覺得有沙。醬汁幾濃郁，蜆肉好入味，就咁食會有少少鹹，配飯會比較好🙂

今日家庭樂，一早打來訂好了餐廳，一進店，店員安排入座，服務親切，店內環境幾有中國特色 打開餐牌隨便點了幾道小菜，小朋友不挑食炒豬雜野味潮洲野來講呢度菜炒豬肉份量幾多，有好多菜卜卜蜆卜卜蜆都幾夠鑊氣，蜆肉鮮甜，我家小朋友吃得津津有味😆蠔餅想不到這家潮洲館的蠔餅，炸得鬆化美味，蠔餅值得一試霸王雞霸王雞整得好入味，入口肉質肥美嫩滑，雞上還有點小炒點啜，小朋友很喜歡海膽炒飯，整碟海膽份量挺多，炒飯都吾會太油膩，一家大細都岩食