楚撚記大排檔 (日富里百好大廈)

营业中

休息中

七一從銅鑼灣走到西環為的就是感受逐漸消失的香港情懷數到最有本土風味的地方怎少得盡港式大排檔室內環境舒適乾淨，可於酷熱天氣下享受冷氣九十年代流行金曲糅合八十年代舊式裝修，氣氛滿滿飛天通菜煲與蝦乾、辣椒、蒜頭等大火快炒，香噴噴鑊氣豉椒炒蜆濃郁惹味，隻隻乾淨爽口不帶沙西楚霸王雞半隻用上大量炸蒜香蔥及椒絲再配上秘製醬油楚撚豬油撈飯連豬油、豉油、葱花及芫荽加在一起，油脂濃郁白粥煲至米粒開花，綿滑夠米味，下火、清熱氣

呢間人氣店,之前在土瓜灣食過, 今次就食西環呢間分店! 朋友一早大約在幾日前用電話預約, 好彩地又能順利預約到6人~餐廳現時已改用手機掃QR CODE落單, 確實方便~ 先上椒鹽九肚魚,食開大排檔呢碟都走唔甩, 好熱岩岩煮好, 所以點整都咁好食又惹味~ 其實碟碟都岩岩煮好就即刻上枱, 所以都好有鑊氣。比較特別的是 手工乒乓波牛丸, 因為牛丸炸過之餘, 入面滿滿黑松露芝心, 好食夠特別! 不過份量就得8-9粒, $105,  平就一定唔係話平架喇, 但志在一大半班人share, 食得開心無妨! 總之,  一 大班朋友聚餐, 呢間確實係一流地點, 不過人氣關係, 建議早D打電話去預約!

無時無刻都好多人食既大排檔 聽聞係好難預約架 嗰日兩個人真係好想食就走去搏一搏walkin睇下食唔食到🥺 正常人都book位食🤣 p門口超多人等入座 一開始聽到我地話無book就已經話無位但有個好好人見我個樣超失望就安排咗比我地食😭🦑椒鹽鮮魷 ($89) [😋7.9/10]啱啱炸好上檯仲熱辣辣🔥 炸粉唔會太厚比例剛剛好 食落口感非常鬆脆😽 魷魚大大塊 而且帶有啲咬口👅 不過份量唔係好多 比較重口味有啲太鹹🐔西楚霸王雞 半隻($128) [😋8.5/10]西環店限定! 份量好足夠🤤 上面既炸蒜同埋蔥非常惹味 雞肉質地嫩滑 就算雞胸都唔鞋 very ok🤩 加上醬汁好好食🐷楚撚記原隻脆皮炸豬手 ($125) [😋6.2/10]個皮炸到脆卜卜🥳 豬手好有咬口 不過有少少失望🙍🏼‍♀️ 雖然係應該要有啲筋有咬口 但係筋位太多同埋略嫌肉有少少硬同埋乾 記住要點芥末食!🥬鮮人蔘濃湯娃娃菜 ($68) [😋8/10]叫咗熱氣野要食返啲菜😌 有幾條人蔘杞子個湯奶白色好清甜好濃味 不過人蔘味唔係好重大排檔炒餸食飯真係好正 呢間質素真心幾好🌻 環境衛生都唔錯 坐得幾舒服 餐廳裝修好比心機有霓虹燈招牌就算新穎