The BASE nature (已結業)

2022.12.18 星期日 8:25pm在荃灣工作晚了，想起The BASE在荃灣，以前在觀塘工廈試過午餐是不錯的，很久沒有吃過，想試試這裡的晚餐。不過這餐飯就有小事情發生，令我們不太滿意。以下先講講食物，詳情請看到最尾長文...••••••••••••••••••••| 是日湯品 | 升級套餐+$38🥣南瓜湯湯夠熱夠濃，味道正常，包外脆內軟很不錯。| 西班牙海鮮飯 | $185(南海虎蝦/魷魚/大蜆/藍青口/時令海鮮/臘腸)🥘飯多汁夠腍，不會硬，虎蝦有三隻和魷魚都爽彈，青口五隻細細粒，味道一般。| 澳洲M級牛肉肉醬芝士漢堡 | $165🍔好多料，煎蛋、菇、蕃茄、煙肉、洋蔥、肉醬、牛肉，整個漢堡太高要分開來吃，包正常，那片菇超厚又多汁，煙肉脆，牛肉肉質正常，不會乾，不過洋蔥更加焦糖化會比較好，整個漢堡很豐富，而薯格就一般。| 香橙檸檬冰茶 | 套餐+$3🥃有點橙味正常檸檬茶，不錯。| 百香果梳打 | 套餐+$0🍹百香果糖漿與梳打水拌勻後，味道酸甜幾清新。服務費 10%••••••••••••••••••••雖然世界盃完結很久，不過這件事都要需要重提。當日開檯時間(點餐)20:25，食

禮相往來，今次到我搵餐廳食。同朋友黎The Base Nature食餐飽。點咗懶人之選嘅二人餐。是日靚湯係椰菜花忌廉湯。麵包難得用近來幾好鐘意酸種手法，咬落更彈性。味道方面，簡單就是美，外邊烘得牛油味好香。主菜係澳洲MB2黑安格斯牛肉眼。平時少聽呢個term，原來MB2 係澳洲牛肉油花評分的其中一個標準。Medium 剛剛好。食落有油脂，牛味偏濃。肉質較實，有咬口，但唔韌。最有經喜係招牌蟲草花米形粉，單係聽個名好難想像係點。意粉似XL size嘅米，意粉嘅口感，但又似Risotto咁吸曬啲忌廉汁，好入味，係有咬口嘅Risotto。流心嘅溫泉蛋配忌廉汁好creamy，又有蛋香味，最值得一提芝士鹹香好特出。額外點咗西班牙海鮮飯，海鮮好足料。蕃茄醬、海鮮鮮味同臘腸鹹味令味道豐富。

同老豆黎荃灣食飯，見到有個$458嘅招牌肉眼二人餐，都幾抵食。包餐湯餐包，一個意粉一個牛扒同兩杯飲品。餐湯係蕃茄湯，蕃茄味濃，唔係淡茂茂嘅羅宋湯。麵包係酸種法國多士，欣賞佢焗得幾脆而且搽滿牛油食落幾香口。推薦佢嘅蟲草花米型粉好creamy,好香黑松露味，仲有隻雞蛋俾你撈勻。米型粉口感好特意，似QQ飯粒，蒟蒻飯嘅感覺， 又幾好食。澳洲MB2黑安格斯肉眼扒叫左5成熟，夠juicy。 推介煙熏岩鹽，配牛排一流。配菜都幾多款式，有南瓜薯仔冬菇。西班牙海鮮飯名副其實海鮮飯，海鮮份量非常多，有魷魚三隻南海虎蝦，蜆同青口，鋪滿成個飯。最後飲品部份，叫左mocha咖啡同蜜糖桂花茉莉綠茶。擺盤幾特別，有個燭台喺下面咁就唔使驚佢變凍。咖啡亦都香濃。

荃灣新天地入面一間西餐店，雖然地方唔大，但坐落都舒適，啱哂同朋友傾計。餐牌入面食物嘅選擇唔太多，飲品都係茶類居多，花茶、果茶等。✨智利藍青口、白汁忌廉、蒜片、香草 (20 Pcs) $108 ★★☆☆☆上枱雖然見到出哂煙，但食落一啲都唔熱，最多係暖，受熱唔平均，呢個認真扣分。個醬汁冇白酒香味有少少可惜，食落得普通忌廉白汁味道，嫌佢稀身左D。藍青口唔算十分新鮮飽滿，有幾隻係腥臭。麵包得兩塊有D太少，雖然本身個醬汁都唔係多到可以沾好多塊包食。✨西班牙海鮮飯 $185 ★★★☆☆個飯整體望落好豐富，但飯個份量比較少，如果3個人就咁叫呢個再加D小食未必夠食，最好叫多個MAIN。南海虎蝦有3隻中SIZE，食落新鮮爽口，唔會霉。另外仲會有少少魷魚、大蜆、藍青口同埋臘肉。個飯軟硬適中，食落有陣南瓜同少少海鮮味道，整體上成個海鮮飯都OK唔差。✨MB2黑安格斯牛肉眼扒(250g) $268 ★★★★☆睇餐牌講解指MB2係澳洲牛肉油花評分其中一個標準，呢隻肉眼扒嘅肉味油脂分佈平衡。塊牛食落都真係全晚最驚喜，我地叫左7成熟，食落都仲好軟淋，一D都唔會韌，牛味好出下，油脂正如佢陳述咁，分佈得好平均，唔會太油膩

平時嚟到荃灣都會去d細街搵食，但今日有少少雨，所以就喺附近商場搵食。見到呢間之前食過一次，味道唔錯，但個menu就轉咗，所以再試一次。平時食西餐都會要個湯同飽，食主菜前濕一濕個口。個湯有少少辣，飲完之後，喉嚨會有少少辣味。個麵包就乾食好味d，濕咗會好淋，口感一般。第一個主食就係海鮮飯，都幾豐富，有大蝦、櫻花蝦、青口、蜆同八爪魚。大蝦d肉好結實，煎得好香。櫻花蝦撈飯一齊食，食到好香蝦味。個飯有啲似意大利飯但濕少少。整體唔錯。第二個主食係豬鞍，一上台就覺得好似好少嘢食，但食食下都幾飽肚。個豬鞍好淋，重煎到好香，加埋個汁有少少甜甜哋，食埋唔會好油膩。隔離啲配菜都比薯仔或者薯條好食，有南瓜、蕃茄、蘑菇、蘆筍，款式好多。推薦。最後加埋個菠蘿梳打，食咗咁多海鮮同肉，加埋杯梳打就可以清一清個味蕾，又唔會太甜而且仲有少少菠蘿肉可以食下咬下，唔錯。

餐廳位置係商場隱藏位置，去第二次就識搵路今次叫咗西班牙海鮮飯同豬鞍一試～轉set加$38想試下個湯，就其中一個餐轉咗set~非常多湯料，帶有微辣，甜甜酸酸幾開胃麵包邊仲係脆脆地飲品正常水準，有幾粒🍍西班牙海鮮飯用料幾豐富，有虎蝦、魷魚、蜆、青口…都算新鮮推薦豬鞍，肉質非常嫩，完全唔會乾/嚡口，配開胃菠蘿汁，有驚喜連配菜每樣都好好味大推整體質素不錯，見有幾枱慶祝生日有畫碟服務，可以紀念日再黎環境舒適

今日去咗荃灣行街，近聖誕節特別想食西餐，見到呢間口碑不錯就同朋友去咗試吓。餐廳行簡約風格，餐牌選擇集中，好快我哋就揀咗以下菜式：🥩 黑安格斯牛橫腹扒（250g) - $198 牛扒類揀左橫腹扒，簡稱封門柳，近年越來越多餐廳有呢個部位可以選擇，鍾意佢肉質鬆軟同肉味濃郁，牛扒可以配一款鹽同醬汁，我哋揀咗煙燻岩鹽同芥末子忌廉燒汁 ，煙熏岩鹽嘅煙熏味唔算好突出反而個醬汁幾特別，芥末味唔會過重帶少少甜味，點汁食別有一番滋味。🥘西班牙海鮮飯 - $185呢個燉飯賣相靚仔，海鮮配料豐富，每一粒意大利飯都沾滿醬汁，食到濃濃嘅海鮮鮮味。💡以上主食可以加$38跟餐加飲品，沙律菜新鮮爽脆，份量足配柚子醋醬汁好醒胃。飲品揀咗熱情果烏龍茶，清香唔會過甜，比起普通的餐飲更有新鮮感。🍺液體麵包 （$68）另外點左呢款本地品牌啤酒，之前已經比呢款啤酒嘅包裝吸引咗，飲落麥香味重帶少少麵包嘅香味，易入口，啱我口味。見到隔離檯食burger大大個好吸引，下次經開試下先～

The BASE nature 地址: 荃灣楊屋道1號荃新天地一期UG70號舖電話: 23470211🔹🔹🔹🔹🔹🔹🔹🔹🔹🔹🔹🔹呢日去咗有香港天橋之城之稱嘅荃灣。天橋將接近廿個商場串連埋一齊。夜晚去其中一個大型商場「荃新天地」覓食，經過The Base Nature， 就俾佢個半開放式餐廳環境吸引咗，感覺開揚唔侷促。餐牌有好多嘢揀，牛扒、意粉、焗飯、漢堡包羅萬有。我地揀咗👇🏻👇🏻💫黑安格斯牛横腹扒🥩(250G) ($198)橫腹扒係連接牛腩同肝之間嘅部位。嗌咗五成熟，牛扒煎得外香內嫩多汁，肉質軟淋唔嚡唔靭，肉味濃郁。配埋煙燻岩鹽同芥末子忌廉燒汁，更加能將牛肉味帶出嚟，越嚼越香口。💫西班牙海鮮飯 ($185)海鮮多過飯，好抵食！有虎蝦、藍青口、蜆、魷魚。 蝦肉爽口彈牙，其他都好有鮮味唔腥。用上海鮮汁燉飯，每粒飯都好飽滿，啖啖都帶住海鮮嘅鮮味。💫柑桔柚子醋田園沙律🥗 (+$38) 只需加$38就可以轉套餐揀是日餐湯或田園沙律。我地揀咗🥗。沙律菜好fresh好爽口，配上柑桔柚子醋，味道甜甜酸酸好開胃。💫冷泡熱情果烏龍茶（+$3）茶味清香，入口有淡淡嘅熱情果味，非常清新解渴，有解膩消滯之效。

一班人好耐無聚，就約係荃灣中間點試下呢間西餐廳。一行七人，坐左係餐廳外圍商場通道間出黎既位置，其實坐下坐下會有啲熱。我地7個人，嗌左6個餐，加左3個小食同一個甜品，小女子表示滿足，不過男友人s應該可以再食。先黎個餐湯，係磨菇湯，幾重菇味，正呀喂。呢個迷你芝士薯格，本身只係嗌左一份，好好食，芝士會拉絲，要encore！西班牙海鮮飯，一般，海鮮係冰鮮料，無味。呢個米形意粉，口感幾特別，但有少少鹹。健康藜麥飯，好食！和牛漢堡包，其實我地都有嗌素食漢堡(無影相)，不過漢堡包都係有肉好食啲。其實都仲有塊牛扒，不過真心麻麻，無肉味。個人嗌左呢個茶，無乜特別。