Tapas Brew (Mikiki)

营业中

休息中

918 星期六朋友生日🎂🎂，我哋去咗食西班牙餐，Tapas Brew 餐廳位於Mikiki 地鋪，餐廳座位有室外室內。😄我們去到門口都已經好有feel啦，在門口已經見到有佢地既招牌菜 - 烤乳豬&海鮮飯。我哋掙扎咗一輪，都係揀左佢地既特色烤乳豬做我哋嘅主菜，再加溶岩芝士麵包及薯條、西班牙黑毛豬風乾火腿野菌闊條麵、茴香蜜汁蒜蓉雞翼😆😆等緊上菜其間，我們見到餐廳牆上都有唔少裝飾、掛畫。👍🏻溶既芝士鋪左在薯條同麵包表面好正，食落係即炸仲熱辣的薯條，外賣就應該食唔到咁既效果啦。而闊條麵相對比較硬身，不過味道好夠、野菌白汁好濃郁。😋😋雞翼就係蜜汁烤雞翼咁，味道都唔錯。👍🏻當然唔少得佢地餐廳Signature 菜 - 特色烤乳豬，上既時候外脆內軟，切開入面仲出緊煙，超正，份量可以講係唔夠（可能預2人量🤔）但都值得試下，呢點大家要注意下。下次人多食就可以叫多個海鮮飯，試埋佢另一個Signature。

同朋友嚟開Mikiki商場，咁啱見到喺馬路旁邊有幾間設有室外座位嘅西餐廳，就試咗其中一間西班牙餐廳叫Tapas Brew🙈因為驚熱，所以我哋就選擇坐喺室內嘅座位👻餐廳雖然主要係食西班牙嘢，但都有德國菜提供選擇，例如有德國豬手、香腸拼盤等傳統德國菜。Tapas Brew特色烤乳豬🐽 ($188)餐廳招牌菜😆 等嘅時間相對比較長，但上菜嘅時候已經聞到嗰陣香烤味道😌 用刀切嘅時候完全感覺到皮嘅香脆，食落的確好香口，仲可以配埋醬汁就一齊食😋可惜個人覺得乳豬嘅肉量比較少，兩個人食可能未必足夠😕西班牙黑毛豬風乾火腿野菌闊條麵🍝 ($138)望落份量正正常常，但配埋芝士調製嘅醬汁，食落少少膩，越食越飽肚😂風乾火腿口感同味道都唔錯，性價比ok🙈Marshmallow chocolate🍫 ($35)飲品方面就試咗杯熱嘅棉花糖朱古力，將棉花糖放喺熱朱古力上，再用火槍輕輕將面頭嘅棉花糖燒一燒，融化咗嘅棉花糖同朱古力係絕配！味道就同一般朱古力差不多，稍為甜少少🤓

前幾日難得約朋友出去放風，選擇咗喺一個大家都方便嘅地方，因為有朋友試過上OpenRice啲人又講到好似OK，所以我哋就嚟咗呢間Tapas Brew。我哋六點幾嚟到，入去坐住等，我哋坐咗半個鐘，是應一杯水都冇俾我哋，嘗試叫佢哋拎水同埋問嘢，佢哋掛住自己傾偈。我哋四個人點左五道菜：首先嚟咗個吞拿魚芒果莎莎，一上枱就見到啲吞拿魚太熟，直情有啲熱，同下面啲凍嘅芒果唔係太夾！我哋重點左個Tapas, 諗住呢你都冇死，點知佢剩係得面頭幾粒八爪魚，下面擺左勁多好生嘅洋蔥來薦底，失敗！西班牙炒飯，係我哋食過最難食嘅西班牙炒飯！啲魚已經好鹹！成碟飯更加係極級鹹！真係失敗之中嘅失敗！我哋食唔晒又唔想浪費，所以有朋友拎晒啲食剩嘅飯返屋企自己加工！西班牙燒乳豬，係比較好食嘅一碟，因為新鮮滾熱辣放上枱，所以外皮鬆脆，肉亦夠軟淋！張相可以比較到，雖然個乳豬味道唔錯，但係份量偏少，所以有點貴！最後點左個好難失敗嘅闊條麵，忌廉芝士味重，正常味道！我哋食咗大概個零鐘，全程冇人主動浸水，冇人歡迎同講拜拜。我哋上網訂枱，本身有折，未點送已經講咗，佢哋仲提我地套餐冇節，到埋單嘅時候佢哋漏咗，我哋提返，佢哋竟然質疑係我哋冇講過