Casa Pennington (已結業)

今日試下呢一間喺銅鑼灣嘅蠔吧, Casa Pennington。 入門口餐廳有啲昏暗， 吧抬大約可以坐八度十個人， 仲有十多張枱，總括嚟講裝修情調都唔錯， 啱曬撐枱腳！即刻試下三款推介嘅生蠔:納米比亞生蠔，肉色偏牛奶白，口感Creamy，海水味不太重，鹹甜適中。入口之後滿滿都是蠔的鮮甜。 Woodstown bay (Ireland) 第二款诲水味較重，入口先感覺鹹味，但咀嚼後蠔鲜甜味中和。Majestic (France) 海水味最重一款，味道相對比較濃，非常肥美。總括三種各有千秋， 個人比較喜歡 Namibia。Razor clam salad， 炒香咗嘅香菇配聖子，有少少辣味，加上新鮮嘅沙律，第一次食熱嘅沙律，感覺都有啲特別，非常之惹味。Deep fried crab cake， 有小小火龍果粒最配搭， 都幾有火喉，如果有多啲水果配搭可能更好。Main course 係Iberico Pork (西班牙毛豬)， 肉質幾 juicy。 略嫌嗰啲燒汁唔夠多。甜品係 Pear tart。 即叫即煮，等咗大約廿分鐘， 終於上枱。烤得非常香，又有大啖啤梨肉同焦糖味，烤既火喉剛好，非常有水準

環境衛生各4：高級餐廳格調，偏暗，又有柔和英文歌音樂，周圍非常乾淨，所以畀四分。服務5分：侍應生非常殷勤，每次食完都主動換碟換刀叉，非常整潔，滿分。味道5分：1)     免費送嘅橄欖有黑色同綠色，兩種顏色一樣都係冇咗粒核，非常之細心，非常簡單就可以食到，唔使理粒核，橄欖油浸住感覺非常之健康。2)     生蠔睇住佢即叫即開，冇花假，每隻都好肥好鮮好甜，買一送一果下先抵。3)     燒虎蝦沙律有兩隻大大嘅虎蝦，用香草醬汁一齊燒過之後非常之香，虎蝦多肉之餘都算彈牙，配上幾款不同嘅新鮮沙律菜，食落非常配合。4)     西班牙黑毛豬上枱時，塊黑毛豬有成隻手板咁大，非常之厚身，睇落應該唔止成吋厚，但食落非常之煙韌，好有肉汁，同好香嘅豬扒味，配埋啲雜菜，包括有意大利青瓜，法邊豆，蕃茄，細薯仔，粟米仔同原條紅蘿蔔，又好食又好睇，所以畀五分。5)     甜品梨撻好大份，用左兩隻梨開邊烤出，個酥皮超脆，最正就係Ｄ梨好夠熱，又甜又爽。抵食4分：高級西式餐廳主動提供免費水或暖水，值得加分，部份生蠔買一送一，塊黑毛豬真真物有所值，所以畀四分。

今晚突然好想食生蠔，就立即行動！地點是Casa Pennington, 出發！今次揀了4款生蠔和朋友共享，分別是來自美國的Pacific Rock, 南非的Namibia, 法國的Huitres Ideale, Gillardeau.Pacific Rock 比較大隻，厚身，蠔味和海水味淡的，入口爽身，味道和口感真不錯！Namibia 很creamy, 裙邊位爽脆，海水味不太重。Huitres Ideale 肥美鮮嫩，蠔味也不錯。Gillardeau，肉質鲜嫩，肥美而帶點爽脆，蠔味和海水也較濃，令人回味無窮。蟶子蟹肉沙徫，味道清新，口感豐富！黑松露醬煎帶子，肥美的北海道帶子，煎到外脆内軟，配埋黑松露醬，好味，仲有香脆的蒜蓉包，冇得輸！小龍蝦刺身併海螺，Scampi 來自紐西蘭的小龍蝦，肉質豐厚，爽脆彈牙，鮮甜無比，不能錯過。香炸蟹餅，外形可愛。啖啖的蟹肉碎和蟶子碎，伴以洋葱碎和甘筍碎，口感豐富，滋味十足。西班牙黑毛豬鞍， 肉質彈牙肉嫩，香味四溢。甜品是焦糖酥皮梨批，是店員推介，梨的清香，焦糖的香甜，真係特別的配搭！時日晚餐，的確是太滿足了！