Casa Pennington (已結業)

环境卫生各4：高级餐厅格调，偏暗，又有柔和英文歌音乐，周围非常干净，所以畀四分。服务5分：侍应生非常殷勤，每次食完都主动换碟换刀叉，非常整洁，满分。味道5分：1)     免费送嘅橄榄有黑色同绿色，两种颜色一样都系冇咗粒核，非常之细心，非常简单就可以食到，唔使理粒核，橄榄油浸住感觉非常之健康。2)     生蚝睇住佢即叫即开，冇花假，每只都好肥好鲜好甜，买一送一果下先抵。3)     烧虎虾沙律有两只大大嘅虎虾，用香草酱汁一齐烧过之后非常之香，虎虾多肉之余都算弹牙，配上几款不同嘅新鲜沙律菜，食落非常配合。4)     西班牙黑毛猪上枱时，块黑毛猪有成只手板咁大，非常之厚身，睇落应该唔止成吋厚，但食落非常之烟韧，好有肉汁，同好香嘅猪扒味，配埋啲杂菜，包括有意大利青瓜，法边豆，蕃茄，细薯仔，粟米仔同原条红萝卜，又好食又好睇，所以畀五分。5)     甜品梨挞好大份，用左两只梨开边烤出，个酥皮超脆，最正就系Ｄ梨好够热，又甜又爽。抵食4分：高级西式餐厅主动提供免费水或暖水，值得加分，部份生蚝买一送一，块黑毛猪真真物有所值，所以畀四分。