長洲角酪

营业中

休息中

依間長洲角酪，每次我去中環街市都會經過見到，不過同事就話係長洲的總店比較好喝，所以每次想買嘅時候都忍住咗手，今次嚟到長洲梗係要試吓莓莓角酪 $42 推薦指數🗯️：🌟🌟🌟我這個評分思考咗一段時間，因為這個角酪跟平常的乳酪分別都幾大，表面的草莓酸酸甜甜，再配上自家製乳酪，其實飲落冇咁滯，但是裏面的紫米，食落煙煙韌韌得來又幾飽肚角酪卷 $42 推薦指數🗯️：🌟🌟🌟🌟卷蛋食落沒蝶豆花的味道，但食落好鬆軟，而中間的士多啤梨乳酪味道雖然偏甜，但整體感覺都是酸酸甜甜，所以食完唔會太滯以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

長洲角酪 (長洲)📍長洲新興街78號地舖趁住天氣未太熱，最岩就係同女朋友去長洲呢啲郊外少少既地方，享受下簡單既海風同寧靜🎏行到攰攰地，行過見到呢間比較有特色又賣手搖飲品同小食既舖頭，入邊有一大幅牆模仿地鐵站既設計印住長洲，亦好多人係到打緊卡📸於是就被佢吸引左入去👀入邊地方唔算太大，左右邊都有少少位置俾客人座低食下野，不過位置唔多，好大機會買完要立食或等位，不過由於係手搖同小食，一個人買哂兩樣野就比較唔方便，兩人以上或情侶去就冇咩所謂👍因為又渴又餓，我地叫左2杯野飲同一個cake，解解渴填下肚🫃🤰🥤白桃梳打口味同一般白桃梳打差不多，略甜。不過十分解渴，最岩行得太耐，梳打氣泡幫你”鋸一鋸”，補充下糖份。🥤經典角酪見飲品名同個舖名相呼應，應該係佢哋招牌飲品。飲落酸酸甜甜，底下有紫米，所以會有煙韌口感，非常易入口，同我地點既甜品非常配搭👍🍰角酪卷藍綠色有粒士多啤梨既蛋糕，亦似係佢哋嘅招牌食物。除左顏色奪目吸引，酸甜既乳酪cream，加上士多啤梨，消解左蛋糕本身既膩，又可以用嚟打卡，推薦一試👍👍

一入長洲，正好中午，食個靚沙嗲米通做午餐，然後再去「長洲站」打卡，同飲野，消消暑，解解渴。喱個「月台」應該係唯一一個畀飲野食野🤣🤣。入到格局偏小，打卡位前面就係一行靠牆長凳，坐到三組客人（每組二人），其中一枱係冇枱㗎。再埋邊有高枱凳，大概坐到四人。多數人都買完出去飲。角觡卷💲2️⃣1️⃣望落好似好多色素嘅蛋卷，實質用嘅都係天然色素。蛋糕用左碟豆花染色，食落都幾濕潤，綿密。內面嘅cream溝左乳酪配合返佢地主題，中間粉色當然加左士多啤梨🍓，食落微酸帶甜。莓莓角觡💲3️⃣8️⃣士多啤梨🍓乳酪，都幾重士多啤梨味，乳酪唔會好甜。最令我驚訝係佢加左紫米落去，會有啲軟糯嘅口感，超健康，正所謂紫米抗氧化，養胃，明血。但個人就麻麻地紫米🤣🤣🤣，我寧願佢加個啲水果爆珠。張收據🧾打嘅內容都好正。🤣🤣

美食遊第2站行左去長洲碼頭出轉左的方向，人氣大熱店-角酪💙🤍本來以為會超多人等好耐，點知並沒有🤣果日感覺唔係好多人入長洲🔆莓莓角酪$𝟛𝟠呢杯睇落好漂亮，兩粒士多啤梨呈心形❤️不過飲落有點酸🙈某幾種口味嘅角酪酸奶含有紫米，呢個係其中一杯，咬落軟糯有增加了口感👍🏼🔆桃桃角酪$𝟛𝟞 這個感覺有點遜色，雖然有食到小小的果粒，但無點飲到桃味，而且呢杯無紫米，變左跟普通乳酪差唔多🔆角酪卷$𝟛𝟠 本來無打算食卷蛋，但店員話做緊半價咁我地就試下😬外面的蝶豆花蛋糕偏乾身，用乳酪做餡幾特別，最中間就跟莓莓角酪味差不多🐰原來一杯乳酪飲落都少少滯，為左之後嘅行程得以繼續，可以考慮同朋友share❤️呢一站除左可以試到獨特港式乳酪仲有經典打卡牆可以影添✨

成日見到人哋打卡既茶飲店！今次終於到我親自黎長洲試下😊發現個個買完杯飲品都要係個打卡牆到影相🤣乳酪飲品同角酪卷都好好味！今次淨係試左莓莓角酪，已經好滿意😍賣相靚，粉紅色加士多啤梨片既裝飾非常少女心，味道酸甜度適中，仲有粒粒紫米增加口感💛食埋個角酪卷亦一啲都唔heavy😋角酪卷既鮮藍色又係好啱打卡！最鐘意中間層乳酪酸酸甜甜開胃既感覺，同外面既蛋糕口感好夾！最啱中午太陽最猛烈既時候買去沙灘邊曬太陽邊食🌞

到訪長洲角酪 似乎已經成為去長洲遊玩之「金科玉律」是為到訪該地的重要憑證🎟️除咗有標誌性嘅地鐵打卡牆之外 佢嘅自家製港式乳酪杯杯都咁特別💕每款口味都有獨特圖案刻印喺杯上 極具代表性之餘又可食用🤤 我就飲咗秋季限定🍁嘅甘露角酪 ($42)此角酪英文名為Autumn 可想而知其有多秋意盎然🍂乳酪混合芒果🥭、紅西柚同鮮柚子 盡顯秋色 味道清新酸甜 杯中仲有楓葉圖案🍁  叫人點捨得飲呢？朋友仲叫咗👉🏻莓莓角酪🍓 ($38) 👉🏻花雪角酪❄️ ($45) 本身想試埋大馬士革卷 可惜售罄 幸好仲有角酪卷 ($38) 以蝶豆花製成的蛋糕卷呈現奪目嘅粉藍色 令人目不暇給💙中間嘅乳酪土多啤梨cream甜又不膩 share嚟食真係唔夠喉🤣

見個個入長洲都會po呢間，所以我都決定試吓，星期六去好多人，裏面可以坐嘅位置唔多，我哋一個坐低一個去買，揀咗百香果角酪同埋角酪卷。百香果味濃郁，甜酸到啱啱好，角酪卷就好吸睛，蛋糕面係用蝶豆花上色🎨天然色素，中間嗰層係士多啤梨🍓乳酪cream，一啖食落去口感豐富，而且唔會太甜。呢度仲有個靚靚打卡位，就係我第一次見嘅時候，以為長洲真係有個地鐵站🤣🤣不過實在太多人啦，行唔到過去影相😅不過淨係食同飲都滿足嘅👍🏻

每次嚟長洲的指定動作💛 打卡之餘又好飲好食🤤🤤 估唔到連平日都咁多人😲 不過好彩大部份人都係買外賣走，反而無乜人堂食🥳 但想試嘅花雪角酪，限量20杯❗️一早已經賣晒🥺🥺🍓莓莓角酪 ($38)賣相好靚好吸引，草莓同乳酪好夾，飲落酸酸甜甜，最驚喜嘅係個底有紫米，煙煙韌韌，感覺比珍珠健康好多🥰💧角酪卷($38)藍色的碟豆花卷蛋，顏色同賣相一流😍 入面有兩層草莓乳酪，酸酸地咁，輕盈唔膩，而且卷蛋非常鬆軟👍🏼

夢幻獨特配搭酸奶飲料🥤🍰✨呢間良心小店店面唔大，不過裝潢好有心機，幾有代表性🤩卷蛋非常熱賣，下午到訪已經售罄，隔日早上再訪都只剩角酪卷選擇😱想品嚐卷蛋嘅朋友要預早啲時間啦😉😝🍰角酪卷 $38 (6/10)碟豆花汁為外層塗上藍綠色，甚為特別卷蛋濕潤軟熟，但味道淡然內層為乳酪和草莓嘅組合乳酪味輕淡中有陣奶脂味，感覺清新，不過唔會好綿滑內層比例上多啲會更好整體口味偏淡🍼藍莓角酪 $34 (7.3/10)好特別！係獨有嘅味道藍莓酸奶攪勻後味道濃厚，口感少稠，有啲似milkshake嘅質地藍莓味自然唔假，清新度足夠中和滯感底層有粒粒煙韌紫米加持😋😋帶有紫米回香整體甜度輕盈📍長洲角酪長洲新興街78號地舖

放假難得出外感受大自然，近年多左新式餐廳進駐長洲，其中尼間飲品店有特色既瓷磚做裝飾，岩哂打卡。而且吸引唔少年輕人前往，星期六lunch時間店面非常多人。叫左莓莓角酪($38)，角酪卷($38)。飲品店主打乳酪，水果口味選擇亦多，飲品賣相及打卡牆非常吸晴。成杯顏色都係夢幻既粉紅色，拎上手好治癒心靈，加上剛剛好有片心形既草莓係外圍，令到成杯飲品好有公主感覺。草莓味既乳酪非常香濃厚滑，而且乳酪屬於稠密口感，所以口感豐富。而且估唔到底下仲有紫米，仲同乳酪好夾添。鋪頭既卷蛋係售完即止，今次黎到已經賣哂大馬士革卷，可見非常受歡迎。而角酪卷用左蝶豆花既綠色黎作為外層，內層係濃烈既草莓乳酪，卷蛋非常鬆軟，而內層creamy，值得叫。整體，飲品消暑解渴，而且清新。難得精心設計鋪面及食品，支持。

全長洲唯一嘅潮流飲品店，專賣酸奶、梳打、果花茶，仲有捲蛋系列。店舖裝飾得好別緻，最吸引嘅莫過於”長洲地鐵站”嘅打卡牆壁。週末中午時間黎到已經人頭湧湧，但係都唔洗等好耐就拎到飲品。芒芒角酪($36)，上面係乳酪，下面係芒果，搞混後仲有一絲絲黃色嘅花紋，原來仲有紫米係底層添。乳酪非常濃厚，加上芒果嘅酸甜味非常夾，紫米為飲品添上口感，飲完之後飽足感十足。角酪卷($38)，一杯飲品點可以少得一件cake！依個角酪卷係蝶豆花的蛋糕捲上士多啤梨乳酪，賣相顏色一流，因為蝶豆花本身冇咩味，所以更能帶出濃郁嘅士多啤梨乳酪~黎到長洲，真心推薦大家黎長洲角酪試下，飲品同捲蛋都好高質，而店鋪處處都係打卡熱點，啱哂一班文青黎依度坐底吹水歎下好西~