名館 (希慎廣場) (已結業)

好耐之前耐唔耐就會嚟食 但係之後我以為執咗笠 因為好一排冇開 原來係裝修 所以今次係翻新之後第一次過嚟 菜式已經同以往唔同 環境舒服咗 今次老豆生日就帶佢嚟食😌不過 IGable嘅嘢果然係比較難喺味道上有優勝之處😂較為一般🍍冰鎮鮮菠蘿咕嚕肉 $138🧊個外觀就夠晒勁了🍍用一大個菠蘿殼裝住冰🧊咕嚕肉同埋菠蘿 外面仲有個碗裝住氣體 成件事好澎湃我記得銅鑼灣Times Square嘅”鍾廚”都有冰鎮咕嚕肉 嗰個真係超級好食 咕嚕肉又大大嚿所以我對呢個嘅期望都好高但就較一般😅😅咕嚕肉嘅份量較少 而且比較細件 外面亦都唔係好夠脆 菠蘿雖然新鮮 但超酸😅😅不過打卡係一流嘅🌶招牌酸菜滑魚片 (小辣) $298呢個賣相都係一流📸用咗好中式嘅器皿 藍色好搶眼👀但係小辣就真係好似完全唔辣咁 不過屋企人唔係好食得辣 冇辦法😟唯一值得一讚嘅就係啲魚係嫩滑嘅😅 但係酸菜湯底唔係好夠味 冇花椒味 湯唔濃郁 酸菜超級多 但係就冇乜粉皮😔而且價錢亦不合理 太貴了🥲家人都不太滿意😅🥟灌湯鮮肉小籠包 $68驚喜嘅佢係有5粒小籠包🥟我就以為得4粒嘅😅不過 又係一般！層皮過厚 肉同湯汁唔濃味 唔得😅😅🀄️詐糊 $68成晚最值得

今日好攰，去咗誠品睇咗好耐書，身又攰腦又攰，想搵間舒適啲嘅餐廳慢慢坐，上一層就見到呢間中菜「名館」環境幾舒適咁，就揀咗佢。入到去好好彩咁坐到窗邊，景色唔錯，之後因店員推介叫咗幾個餐廳特色餸菜。糖心黑蒜海底椰豬展湯 $68湯飲落好香黑蒜味，而且好入味，飲落唔覺係味精湯，配上海底椰既清甜，好好飲！❤️豉油王頭抽飯焦蝦 $118食落幾有趣，有少少似炒飯，但又有啲飯焦，以蝦用頭抽炒過吓，再炸一炸，令到蝦殼好鬆脆👍🏻冰鎮鮮菠蘿咕嚕肉 $138賣相吸引，一黎到係咁噴煙😂食落菠蘿好新鮮，如果咕嚕肉冰鎮完之後外脆內鬆軟，好食！😋略嫌肉比較細粒。京川汁秋葵 $48京川汁做得不錯，酸酸地加上蒜香食落好開胃，秋葵清爽，切開咗之後擺到好似一朵花咁，係一個唔錯嘅前菜！鎮江水晶餚肉 $48呢個都幾好食，不過冇咩特別。詐糊 $68其實即係椰汁桂花糕，面頭貼咗啲用米紙做嘅麻雀字，幾得意！而且細細粒，一啖食得晒啱啱好🥰整體來講餸菜幾有特色，環境亦舒適，可以再黎試！