北京水餃店 (已易手) 新餐厅

今晚嚟到尖沙咀韓國街附近，見到呢間上海小食店keep住有人入去食，咁就跟住行入去試新嘢喇！店內坐位唔多，最多坐到10個人左右，牆上貼住好多明星光顧嘅合照，成間店好懷舊！（1）東坡肉擔擔麵 $48擔擔麵好有驚喜！食落麵條彈牙煙韌之餘，湯底花生味好濃，加埋勁香蝦味嘅配醬口感好豐富！東坡肉好入味，唔會好肥！（2）正宗北京水餃雙拼白菜香菇水餃 $44一嚟到見到咁大碗覺得好足料，每款有4粒共8粒，粒粒都好大粒皮身較厚！正宗北京水餃餡料係韭菜加肉，食落好香韭菜味，不過略嫌偏咸。（3）蕃薯豆沙 $223粒大大粒即叫即炸上枱熱騰騰，紅豆味道唔會太甜，好香口而且仲見到有蕃薯絲，做飯口甜品嘅唔錯選擇！2個人食完勁飽，最值得一試嘅首推擔擔麵！

過左足足一年毛再去番食北京水餃，食物依然係咁好食。叫左個鎮江排骨菜飯，送紫菜湯，再加杯豆漿。呢度嘅鎮江醋味道係我食過嘅最好食，除左味覺上嘅享受，d醋聞落都好香。而且排骨煮得好入味，又夠lum,唔會咬得好辛苦先食到。感覺份量比之前更多，而紫菜湯味道淡左，好似冇落胡椒粉咁。豆漿好有豆味，甜度啱啱好，又冇渣，明顯係新鮮豆漿。食完之後飽哂，好抵食。

今日同fd睇完套"毒蛇風暴"就過左黎吃野，點知天氣話變就變，落起雨黎。好彩d雨都唔算大，總算黎到呢度。坐抵就嗱嗱啉叫野吃，叫左豬扒水餃麵($27)同埋東坡肉麵($27)，再黎豆漿($6)。豬扒水餃麵：豬扒即叫即煮，煮出黎口感不錯，咬落去夠脆，又不會太油，味道亦都可以。水餃大大隻，餡都豐富，不過吃落卻覺得沒什麼特別。東坡肉麵：東坡肉d肥肉入口已開始溶化，好味。豆漿不錯，飲落甜味足夠。環境方面就比較逼夾，所以擺設方面有點兒亂，洗手間都用左黎擺野。吃完之後，見雨停左就埋單走人。

上次吃過之後十分回味,加上原來電視又剛介紹過,這日來取衫,順便再食.招牌水餃味道極好,這次要了酸辣水餃($30).酸辣湯不算很辣,但酸味很夠.而且豆腐,豬肚,豬紅,雲耳等份量又多又大,唯獨豬肉絲又乾又嚡,不吃也罷.餃子皮比較厚,餡料有韮菜,肉碎,調味功夫不錯,很入味,但加點黑醋會更好.炸醬拌麵($30) - 拌麵上的肉碎有點咸,另有青瓜絲和蔥花.味道很一般,只有咸味而已.DIY加了些豆板醬,效果好了點.豆漿($6), 豆味香又不甜,消暑解渴最好.店鋪座位較少,只有5張枱,食完之後還發現原來有滴水問題,而且油煙味很強,食完後便急急腳走人.