小雲川 (已結業)

喺旺角行行下街搵lunch食見到先達對面有間酸辣米線個招牌都幾搶眼，粉藍色 門口有個阿姐派傳單見都有d套餐都抵食，所以入左去醫肚入面環境主要藍白為主，都乾淨企理 餐牌都好多唔同套餐選擇 蕃茄安格斯肥牛米線 $48 呢碗係朋友叫既蕃茄湯唔算話超濃(可能冇揀到特濃)不過清清地幾入味，湯入面都好多蕃茄蓉好多肥牛，而且D肥牛都唔韌比較軟滑 雞扒小雲卷米線(小小辣) $38個人比較鍾意佢酸辣米線多過蕃茄湯個湯底夠哂酸，令人好開胃配菜都好多，酸菜芽菜同莞茜小雲卷係類似魚肉春卷，外皮小小脆啖啖肉都幾滋味雞扒就不過不失小小辣唔會好辣，鍾意食辣既可以揀辣少少米線份量都啱啱好食完唔會好口渴 原味小雲雞翼 $18其實佢有$1雞翼可以揀不過d味特別d，所以我揀返原味黎試雞翼熱辣辣，帶點蜜糖味用黎送米線不錯 鹵水牛展 $25冷盆黎，鹵水味香濃牛展夠哂厚，煙煙韌韌好爽口 豆漿 $10推介呢度既豆漿，我揀左熱味道好濃，飲完令人覺得好滿足好舒服

今晚約咗友人到旺角買嘢, 朋友話想食咗嘢再行, 又話想食米線, 咁就走去搵食, 見到一間叫小雲川o既食館, 就入咗去, 因為時間尚早, 所以唔駛等位, 朋友叫佐佢招牌o既蕃茄安格斯肥牛, 而我就叫咗豬腸米線, 另外再叫咗2款小食, 香辣牛筋 & 雞亦 (配3種醬汁, 香辣, 柚子 & 泡菜沙律味), 加2杯凍豆漿, 首先到o既係牛筋, 係涼菜, 未食已聞到好香, 食落軟Q, 又唔會太林 或太硬, 食唔停, $25真係好抵, 之後友人的蕃茄牛米線到了, 好香好濃o既蕃茄味, 好多牛肉, 仲有真茄呢, 我食咗塊牛肉, 好好味, 跟住我o既豬腸米線就來了, 嘩, 睇到不敢相信, d 豬腸多到你唔信, 一定比外面食的多一倍呢, 而且好香鹵水味, 食落好入味, 好香好林, 而且冇乜肥膏在腸肉, 食多d 都唔怕, 食完好想再食  所有米線都有芽菜 & 九菜伴住, 米線份量好大, 食量少的人一定要叫小米線, 最後到咗雞亦了, 係即整o既, 所以遲少少到, 試咗3種醬料, 本人喜愛柚子味, 因為好青爽, 小小甜甜酸酸味道, 友人中意辣味, 話夠辣又好味, 食到咁上下, 食飯人潮開始來了, 好彩, 但見

笑~人與生俱來既表情,但現今香港人既表情充滿愁眉苦臉,係生活既壓力還是人生少了一點樂趣呢?三號風球懸掛,橫風橫雨,處理自己事務已令頭昏腦脹,下午四時多在旺角還未醫肚,隨意找間食店,卻被一間裝橫光猛的小店所吸引~小雲川~這個名字大多會想係食米線既地方,但由於太餓緣故,點了一碗腩肉肉燥飯配上豆漿。豆漿,由於太喝的緣故,好快喝光腩肉肉燥飯,這碗飯最可取之處,係一個開心既笑容,歌都有得唱,人人常歡笑不要眼淚掉,相機食先既我當然舉機拍照啦；從店員口中得悉其中一位負責人之前從事設計工作,難怪飯碗設計比一般食店特別啦。腩肉煮得腍,肉燥醬也香口,配飯一流;而且白飯粒粒分明,食完滿足哂~雖然唔係什麼山珍海錯,但一個簡單既微笑,相信食客係會感受到~