宋伯山水豆腐花

营业中

休息中

上年年中行過一轉鹿頸至谷埔一段，無難度，超輕鬆，今回跟另一班行山友就舊地重遊。然而，上次行到近谷埔，「宋伯士多」就無開，今次就見佢有開檔，當然作為中途站，歇一歇，抖一抖，嘆碗豆腐花先。幫襯呢位「宋伯」，真喺可遇不可求。 其實，呢段路沿途有唔少「士多」，提供飲品、麵食，不過，「宋伯」呢個位就絕對喺嬴晒，除咗地方大，夠空曠，仲附送270°無敵大海景，雖然對面喺沙頭角，但夠開揚就得啦。由於呢段路真喺超易行，無難度，所以，遊人甚多，一批又一批咁經過。如其他士多一樣，都有提供港式小食及麵食，不過，呢度賣點喺啲山水豆腐花及多款家鄉小食，前者有凍有熱，更可以溝涼粉、紅豆、芝麻糊，定價亦唔貴；後者就選擇多多，包括糯米糍、茶粿、南瓜餅、蕃薯餅，又有唔同口味，最好喺獨立包裝包好晒嘛，夠衛生，可以安心享用。研究完一輪，其實好多嘢都想試，因為呢啲傳統嘅中式小食真喺賣少見少，最後，我哋兩公婆就試咗以下3款小食。豆腐花 $16衛生問題，依家都唔會有咩山水豆腐花，不過，好多鄉郊嘅士多所賣嘅豆腐花都好有水準。「宋伯」嘅都喺，睇到都好平滑，啲豆花入口真喺堅滑溜，一聲滑到落喉嚨，又有豆香。 紅豆南瓜餅 $12紅豆、南瓜

2010年5月1日 ( 宋伯山水豆腐花 - 1 ) 是日往行山一樂也，從鹿頸前往谷埔，在松記士多午餐，餐後，再步行回鹿頸。午餐後，回程時經宋伯山水豆腐花，飯前經過時冷清清，飯後經過差點兒爆晒棚，在這裡嚐過豆腐花、紫心及紅心番薯餅。熱豆腐花：熱熱的豆腐花，賣相粗糙，滑度普通，豆味非常之淡，但吃在山水之間，又另有一番風味呢！紫心番薯餅及紅心番薯餅，薯餅仍是暖暖的，乃因用了電鍋保溫吧！兩者味道相近，番薯味十足，甜味足夠，口感煙韌，幾好味。這裡景觀甚佳，對岸為深圳沙頭角海岸線，雖為炎夏，悠悠的海風送爽，感覺頗為舒服。