大澳德發 (已結業)

自從晚市堂食開返就同朋友不斷發掘好西🤭今次就比任食鹽焗奄仔蟹吸引到我地呢班蟹控黎到呢度瘋狂食蟹！呢度樓高兩層，地方非常闊落。裝修風格亦充滿特色！餐牌設計都好過癮黎到當然係要食奄仔蟹啦😌▪️鹽焗奄仔蟹 🦀 任食 ($398/位)即叫即整既鹽焗奄仔蟹除左鹽，仲會放香葉、八角、花椒等香料，第1 round店員先幫我地焗8隻，大約14分鐘就食得！熟左之後飄黎陣陣既鹽焗香味，蟹肉夠鮮味，蟹殼比較薄所以好易拆。當見到有膏既蟹我地特別興奮！蟹膏甘香鮮甜最後我地仲食左3 round奄仔蟹添。另名每人可以加配一款小菜，老火湯同飲品😆所以我地分別叫左4款唔同既小菜：▪️馬拉盞肉碎炒時蔬連肉碎同蝦乾炒埋一齊好滋味▪️豉椒炒花甲炒得好惹味又無沙，連配菜既青紅椒都好好食😋▪️黃酒煮滑雞估唔到幾大鍋！聞落有濃郁酒香，飲落個湯又唔會好重酒味，而且雞件都唔少，好嫩滑▪️椒鹽脆豆腐外脆內軟，炸起熱辣辣會食到停唔到▪️自家檸檬🍋薏米水食咁多蟹，飲返杯檸檬薏米水袪濕清熱就啱晒！

五一連假第一日去到銅鑼灣行街，當日係姜B生日，集結咗大批姜糖，場面好壯觀，銅鑼灣都變成咗姜濤灣😂行到攰見到有間餐廳，現時喺新張期內重頭推廣 - 鹽焗奄仔蟹任食推廣套餐 $398 除咗奄仔蟹可以任食之外，每位仲可以多選一個小菜配白飯連飲品，仲有碗例湯送。▪️鹽焗奄仔蟹每次上枱都會4隻咁上，枱面都預先擺放咗一個爐比你自己焗，等佢焗嘅期間都聞到鹽焗好香，焗大約15分鐘左右就可以食得，食得快嘅話仲可以食多幾隻😂😂😂蟹都算幾新鮮同埋好多蟹膏，食得過癮。▪️豉椒炒花甲花甲幾大隻，隻隻都新鮮，全部冇沙㗎，用豉椒炒都好惹味。▪️麻香肉碎茄子粒呢個麻辣肉碎茄子，好香口，好適合配白飯。店內嘅餐牌好似本護照😆細心留意會發現到餐廳最似大澳嘅擺設應該就係牆上嘅竹筲箕同燈。

大澳是香港碩果僅存的水鄕，偶爾去走走、看看棚屋及漁村頗有趣，講到食，以街頭美食為主，記憶中沒有那一間飯店特別出色。 近日經過銅鑼灣謝斐道發現而家新開的茶餐廳叫做大澳德發，主打漁鄕菜式，價錢實惠，味道不錯。 優惠孖寶C $218 （原價$218）大澳鹹鮮蒸馬友豉椒炒花甲 大澳鹹鮮蒸馬友非常肥美的馬友，魚肉嫩滑，濕濕潤潤的，入口鹹鹹地，鹹度剛好，淨吃不過份，佐飯理想。 簡單而薑蔥清蒸，無需加豉油汁，已經是好。 豉椒炒花甲紅椒、青椒、洋蔥、豆豉炒，香氣撲鼻，惹味之最，今日的花甲、肉不算大粒肥美，但無損美味，同伴以汁佐飯，吃得滿足。 大澳鹹香雞籠仔蒸雞有風味，調味剛好，醃得入味，名副其實帶鹹香，雞肉肥美大件，皮滑肉嫩，雞胸不嚡。 配備青醬，我猜是蔥薑油的混合，味道不霸氣，適量增辛香。  菠蘿拔絲咕嚕肉 $68本意點選招牌冰鎮咕嚕肉，自己講得不清楚來了普通的咕嚕肉亦不妨試試，啖啖肉，甜酸度平衡，炸漿不厚。 店內裝潢樸實懷舊，內置電梯上一樓，坐窗邊有街景，舒適開揚。 運作流暢，服務可以，無需加一，中、午、下午茶餐純粹茶餐廳的食物，看來抵食。