新記煲仔雞粥 (已結業)

去完屯門做野冇理由唔入埋元朗野嫁...難得入左去大西北~天氣涼涼地揀左食雞粥...之前都幫襯過旺角分店...已經覺得好食...今次係老舖可以坐係街度食...另有一番風味!!!貴妃雞粥，粥底好綿，濃濃嘅雞油香味，份量足！海鮮粥,有蟹仔...蝦仔...魚片同帶子...蟹肉帶膏，成碗粥都好鮮甜。耐唔耐去食一次都好滿足~!

今次專登黎元朗嘗試呢間老字號雞粥，等了十分鐘左右，一煲熱騰騰嘅雞粥就上桌了。粥底較稀，水水地，但味道ok，雞塊嘅味道ok不過口感唔算滑，整體ok，但同預期有落差。蔥花蝦米腸粉不錯，口感好滑，入面嘅蝦米都夠香。豉油皇炒麵剛上嘅時候係攤凍左嘅，當時店鋪入面的客人不算多，只有4-5檯，在這樣一間老字號餐廳食到攤凍嘅麵令我感到詫異，幸好佢地都立即幫手加熱翻。呢個豉油皇炒麵質感乾身，不會太油，味道也不錯，整體ok。

近日天氣涼咗，就想食雞粥，講起雞粥就自不然諗起《新記》，以前收工食宵夜《新記》就係首選，貪佢多小食又多選擇！入到去就必嗌貴妃雞粥，但見到有個叫貴妃雞豬潤粥好似幾好喎，貪豬潤可以補血氣😂再叫埋一條油炸鬼同豉油皇炒麵，嚟多一杯七喜話梅柑桔冰潤潤喉先😋貴妃雞豬潤粥👉🏻果然真材實料呀！每舊豬潤都算厚切，咬落軟腍，又夠粉，唔會乾爭爭，口感滿分！單食貴妃雞已經入哂味，加上軟綿綿嘅生滾粥，暖到入心！油炸鬼炸得好炸👉🏻剪開一舊舊，方便啲粥入哂落油炸鬼入面👍🏻細心豉油皇炒麵👉🏻好大碟！食落有哂細個嗰陣嘅味道，豉油味十足，炒得夠乾身又唔油！七喜話梅柑桔冰👉🏻味道層次豐富，有哂甜酸鹹味，味道非常夾！近日天氣乾燥，飲完之後覺得喉嚨舒服好多😚

近排轉天氣, 太陽落山之後真係凍到傻! ❄️咁凍既天氣底下, 最好就係食一D暖笠笠既野, 令個人暖D。今日約左班朋友係元朗食飯見面, 本來都無咩頭緒去咩餐廳食飯, 但我見天氣咁凍, 於是就建議去新記食番碗熱辣辣既粥 。老實講, 我就未食過呢間餐廳既, 不過我之前有聽講過住元朗既朋友推薦過呢間餐廳俾我, 我估計應該OK既。🤭我地好好彩, 因為岩岩好係靠牆位置岩岩有一枱食客走人, 所以我地就算一行5個人都可以即刻入座, 唔洗等位! 👍🏻係晚市呢D咁旺場既時間都唔洗等, 真好! 店舖面積唔算大, 所以枱與枱之間的空間都唔會太大, 係舊式港式餐廳既setting。不過呢度好乾淨企理, 而且送菜款式選擇好多, 除左招牌既粥品之外, 炒粉麵飯, 菜類滷味都應有盡有! 而且價錢親民, 性價比簡直高到不得了。😎海蜇手撕雞 ($49)份量好足, 好大碟! 海蜇好爽口, 而且上面落左好多麻醬, 基本上每一啖都食到麻醬味, 加埋少少白芝麻的香, 好食! 而手撕雞方面, 肉質鮮嫩而且雞味好出, 完全唔似出面某D鋪頭既雞絲咁, 乾得濟會韌同痴牙。除左上面兩樣野之外, 我仲食到有醃黃瓜絲, 佢地應該醃左一段時間,