越華會海鮮小館 (已搬遷) 新店位置

環境3分：正常中式酒樓格局，人多坐得好迫，又嘈，三分。衛生3分：地方都叫整齊，張枱上有紙有牙籤，正常三分。服務3分：樓面阿叔態度都算正常，又夠快手，都係三分。味道4分：1)      豉油王炒麵炒得比起出面其他酒樓乾身，算最好食，食落唔係十分之油膩，食大半碟都唔覺得成口好油。2)      避風塘炒蟹叫左小辣，食辣蟹如果唔辣就不如唔好食，但係小辣就已經對我黎講非常之辣，隻蟹都算肥大。碟上超多蒜蓉，兩隻大大蟹鉗，蟹身食下食下都算多肉，唔錯。3)      蝦多士總共有八塊，炸得乾身，隻蝦都算ＯＫ大， 多士嚟講絕對合格。抵食4分：兩個人食左唔使千二蚊就有兩個餸加靚蟹食，有啤酒飲，可以畀四分。

今日適逢家人生日, book左一圍檯係越華會晚餐~第一次黎, 可以book房. 房間不錯, 有電視, 隔音好, 適合慶祝生日或節日, 仲有位置放bb車.頭盤係冷凍鮑魚, 好好食~ 爽脆彈牙, 味道清甜, 不會乾身, 不會太鹹, 味道剛剛好.再來就係椒鹽豆腐跟魷魚雙拼. 果然係招牌菜 – 香脆內軟, 不厚粉, 份量剛好, 值得推薦!!然後就係蒜蓉聖子, 好新鮮~ 好多粉絲~炸子雞鬆脆, 好吃~ 皮厚度適中, 夠熱, 醬汁不會太酸太多, 酸甜度適中冬瓜盅黎得合時，飲完個口即刻清曬，可以繼續食我最愛嘅椒鹽瀨尿蝦出場！啲蝦拍得住鯉魚門水準，多肉，大隻，但我覺得可以多啲椒鹽，俾我撈飯蒸斑，十分新鮮豉油皇炒麵，正！麵好幼滑，一啲都唔咸，好有鑊氣，食左咁多野都食到兩碗！香蔥油雞，用新鮮雞，好多薑蔥上湯白菜仔蛋散鬆脆，不會太厚太多粉，非常容易入口，作飯後甜點一流