麵屋黑岩

营业中

休息中

平時都好少出嚟深水埗，今日係玩具街行咗一陣，買完小玩意，就嚟搵嘢食啦。之前朋友介紹過呢間拉麵店，所以我哋就嚟試下啦～落單嗰陣店員會比餐牌你，好似小朋友做練習咁，用筆圈返出嚟，再交返俾店員。我哋先點左份豚肉炸薯餅，雖然熱辣辣好脆，但又唔會太油呢～而拉麵就揀咗黑蒜拉麵同海老拉麵，叉燒、配菜同軟硬度都可以自由選擇，厚切叉燒好有口感呢。食拉麵點可以唔叫糖心蛋，佢哋係最佳拍擋，不過我哋分開個陣太粗魯，影得唔靚呢，但係唔影嚮佢嘅味道啦

深水埗越來越多有質素小店，大家都努力將這香港舊區特色重建成一個創意用心的小社區。這家拉麵🍜都秉承創意小店理念，推出不同創意小食，唐揚魷魚、吉列三文魚、薯片雞翼、松露燒叉燒⋯⋯再加上舊有日式傳統小食，章魚小丸子、豚肉可樂餅⋯⋯另外，拉麵有香港人最愛既櫻花蝦拉麵，香口而蝦味鮮甜濃郁既湯底（這款是期間限定 是當季食材才有的）👇🏼 朋友喜歡這家已出名的黑蒜豚肉拉麵，重口味，湯頭更濃郁，師父將叉燒煎過燒出油會更香口 少了多餘油脂👇🏼總括黑岩拉麵性價比高，價錢適宜 味道有質素。