拉麵凪 (已結業)

係一個星期六，排左15-20 分鐘。一般而言，我好少會接受排隊，但排拉麵我係會樂意，因為一般都唔會排超級耐，吹吹下水就到入到去，要左豚骨拉麵🍜 ，因為最基礎亦都睇到基本功一試，不得了，覺得高潮 😂😂第一次覺得有拉麵可以動搖長浜係我心入面長年高鋸第一既神聖位置 😳拉麵🍜煮到剛剛好，豚骨湯底不鹹不油不味精，香濃剛剛好，係食到碗底都好舒服既湯😋😋小食嗌左餃子🥟 不過不失but not impressive

之前特登去左大坑諗住朝聖，點知去到先發現原來佢搬左去銅鑼灣，地點當然比大坑方便好多，係起渣甸坊入面，至於去到是有小小失望，唔係個拉麵唔好食、係我對佢期望太高，因為網上很多人一直神化佢，入到餐廳，裝潢....em...有點簡陋，好似低成本創業下租了間店用回上手裝潢的感覺...不過環境乾淨既，內部空間唔大，最多坐到十幾個人今次試左佢既名物豚骨拉麵，揀左濃湯濃味，個豬骨湯味道非常濃厚，唔會好油，叉燒好淋身，其實整體感覺係好食既，起馬唔會好似霸那拉麵果d集團式經營咁交行貨，佢絕對係對得住喱個價錢既，係有佢自家既特式，只係...我太鐘情一蘭和座銀😂