泉居火鍋料理 (已結業)

一期一會，相約朋友相聚。之前係網上見到呢間啲野食賣相好靚，好好食咁😋所以決定今次搵食要搵到去土瓜灣😎book枱果時，訂左隻阿拉斯加長腳蟹，師傅將蟹殼切開，方便我地一班怕麻煩嘅人，好細心地顧及客人嘅需要👍，鮮甜嘅蟹味混合埋海水味充斥住成個口腔‼️一流‼️之後黎多個例牌象拔蚌刺身😋 勁鮮甜囉‼️唔會好似出面食過果啲咁有陣怪味，又腥咁🤢原來係選用左加拿大A級象拔蚌，唔怪得之咁正☺️到火鍋配料～不得不讚呢度啲牛肉，唔會好似出面切得薄切切，咬落去濃厚既牛肉味，師傅既刀功非同凡響👍總結：我地非常滿意，簡直係高質打邊爐既地方😋😋

今日約左班朋友黎到黎泉居打邊爐，點左象拔蚌刺身，好新鮮同埋師傅𠝹花，口感爽脆。火鍋湯底要左店員推介花膠雞，花膠好長，個湯底好有膠質和濃厚足料，夠曬我地4個人食，岩曬我地d中意飲湯既都市人，一個湯底滿足曬。火鍋配料都好多選擇，牛肉分好多部位，點左牛頸脊，好軟滑好濃牛肉味，店員服務一流，會推介時令海鮮同埋配料班片好新鮮，同埋炸物做得好惹味好脆口送酒一流加上自家製雲吞同埋水餃，勁好食，下次一定會再黎打邊爐！