春水堂 (新城市廣場三期)

营业中

休息中

今日去咗沙田呢間度食晚餐。兩個人食，都唔係等咗好耐，大概10分鐘左右。（1）半筋半肉蕃茄牛肉麵，92蚊。價錢來講都偏貴，食起上嚟係好食嘅，正常發揮。蕃茄湯底濃，都有牛肉味，應該拗咗都好一段時間，再加埋兩舊蕃茄配搭，我菜亦都給左湯底嘅味，冇乜點失望。至於牛筋同牛肉，牛肉肉質軟林林，有啲似五香肉丁牛肉嗰啲質感，依個牛筋都好大，易咬，但係同樣都有𡁻口。唯獨肉同筋嘅份量有更多就更好啦。（2）豬肉魯肉便當， $92。好食，裏面其實好豐富，有菜有肉有飯有湯。而且啲菜係唔難食嘅，啲菇都意外地好食，應該落嘅調味料唔多，但係嗰個鮮味吃保留得到。靚料。豬手、魯肉鹹甜適中，配樂個白飯到不得了。（3）珍珠奶茶， $32。正常發揮，冇乜comments。以台灣料理來講，其實都真係好好食，價錢係就係貴咗啲，但係沙田新城市呢一個地理上來講都叫對得住囉。性價比，7.5/10。

平日夜晚黎到沙田，大約1830pm就已經有10-12人排隊等緊，不過都吾算等得太耐，約15分鐘內就可以坐低叫野食啦～環境方面都坐得舒服。麵線夠幼滑又彈牙，撈埋醬汁同啲滷素，菜式簡單，味道唔錯，但份量略嫌少。慢煮豬手有驚喜！每part都煮得好入味同好林！下次會直接叫一份慢煮豬手👏🏻魯肉飯不過不失，其他配菜則普通。胚芽同奶茶好夾👍🏻茶味濃郁，好好飲，稍為略甜。外表同味道都非常接近台灣既鹽酥雞，雞肉嫩又帶有少少肉汁，表面撒上少少胡椒，炸粉不會過厚，每次必點！👍🏻杏飽菇非常大舊，且咬唔開，勁難入口。一咬舊菇就連個炸皮分離，成碟野是唔好食的～👎🏻總括而言，大部分食物都頗有質素，茶類無得頂，想同朋友飲下野傾下計都可選擇呢間台灣野，價錢就略嫌貴，份量偏少。