春水堂 (新城市廣場三期)

营业中

休息中

平日夜晚黎到沙田，大约1830pm就已经有10-12人排队等紧，不过都吾算等得太耐，约15分钟内就可以坐低叫野食啦～环境方面都坐得舒服。面线够幼滑又弹牙，捞埋酱汁同啲卤素，菜式简单，味道唔错，但份量略嫌少。慢煮猪手有惊喜！每part都煮得好入味同好林！下次会直接叫一份慢煮猪手👏🏻鲁肉饭不过不失，其他配菜则普通。胚芽同奶茶好夹👍🏻茶味浓郁，好好饮，稍为略甜。外表同味道都非常接近台湾既盐酥鸡，鸡肉嫩又带有少少肉汁，表面撒上少少胡椒，炸粉不会过厚，每次必点！👍🏻杏饱菇非常大旧，且咬唔开，劲难入口。一咬旧菇就连个炸皮分离，成碟野是唔好食的～👎🏻总括而言，大部分食物都颇有质素，茶类无得顶，想同朋友饮下野倾下计都可选择呢间台湾野，价钱就略嫌贵，份量偏少。