豬手工房

营业中

休息中

其實一入餐廳已經唔多滿意但已經約咗朋友就惟有勉強坐低，訂咗位但都被安排坐係門口餐廳中間都仲有吉枱，都唔明點解唔比我哋坐，我哋張枱同門口位置只係兩呎，每一位進入餐廳既人一開門就有一大陣又熱又焗既風吹入嚟而且餐廳本身冷氣不足，加上枱同枱之間都比較迫，餐廳最初仲同我講可以自備酒水，所以我都帶左支白酒去諗住嘆吓，但全餐飯都係流住汗嚟食，所以食飽勿勿走人，感覺真係唔太好受。至於食物，其實order左幾款食物都幾好食埋單每人$200，價錢算合理環境真係比較差

重溫此店, 依然好食, 換了個對象, 換了個坐位, 另一種風味! 同樣點豬手及炸燕麥紫薯球, 一樣好味。先談談食到想叫多碟既紫薯, 食炸野唔會有油膩感但外脆是我既炸野心水, 它完全做得到, 而且脆皮內是紫薯蓉, 外脆內軟好好味! 豬手肉質鬆, 皮香脆, 大大隻, 啖啖肉, 完全係代表作。食物質素同上碟都唔馬虎。兩個女仔食, 好足夠! 店內同樣舒適, 空間夠大, 一班人來用餐會更快樂! 不過個人還是喜歡坐在外邊的情調。要食就食專既! 快來試試啦!

佢個地址真係比較隔涉要走入大圍一對工廈再入去搵架𨋢上樓上到樓全部都係車房竟然無啦啦有間餐廳真係好似探險咁（我鍾意）好欣賞餐廳竟然室外都有位咁啱嗰日幾好風佢個位又冇其他高樓擋住 所以好涼爽好舒服嗰日唔算多人餐廳啲枱凳都專登放得比較鬆坐得好舒服嘢食真係好滿意叫咗三樣嘢 三樣嘢都好滿意嚟到豬手工房梗係食豬手食過唔少豬手呢個烤到啱啱好 皮脆肉嫩上枱已經切好 啱哂我呢啲懶人味道真係正 唔會太鹹又唔會冇味喺香港食到咁嘅豬手真係好感動第二樣係黑松露闊條麵味道又係真係好好黑松露味好香 又唔會太多好苦上枱嗰陣仲熱熱地包你唔會失望第三樣係黑松露薯條佢個薯條炸得勁脆好爽口黑松露醬都畀得好足好好味🤤🤤服務方面都係值得一讚員工好好禮貌嘢食又唔貴兩個人食都係300零蚊已經飽到飛起🤰🏿總結嚟講係大圍真。隱世食店好好好值得嚟！

朋友話大圍工廈開左間食豬手既，聽講環境都幾ｃｈｉｌｌ，所以泥上試下。原來係坐露天既平台，都幾舒服既（好彩唔係夏天啦ＸＤ）。傾計一流。野食就必叫豬手啦。差不多＄３００一份。係幾脆的，又唔太咸。但肉略嫌少左Ｄ，２個人ｓｈａｒｅ就唔係好夠食。另外仲叫左個黑松露薯條，無乜黑松露味，同埋太多醬唧唒上面了～另外仲嗌左2杯0%酒精飲品 (水蜜桃，熱情果), it basically soda~Think they are quite good as they are not too sweet for me

係大圍站行過去，工廈入面真係無expect到有個咁chill咁露天平台。撞岩宜家秋風起，夜晚坐係出面食飯飲下野傾下計，真係幾舒服喎！嗌左必叫既豬手，係真係唔錯的，唔油膩，唔會過份鹼到要灌水！不過略嫌個皮有點厚（雖然德國豬手都應該係偏厚皮的～），變相肉就有ｄ少，一份豬手兩個人share就唔係好夠肉食囉！仲嗌左個黑松露薯條，面頭有好多醬啊，但個醬又唔係好有黑松露味喎，好＂漏＂反而上面有ｄ粉就幾野味的，所以我地食個陣都撥開左ｄ醬先食。個薯條份量都幾多，彌補左個豬手唔夠食haha!我地仲叫左2杯野飲，2杯都係0%啤酒：熱情果波羅同埋水蜜桃。水蜜桃個杯香ｄ，甜度岩岩好。熱情果波羅個個就有波羅肉既，不過其實無乜熱情果既味～～去開大圍，又想搵間野坐底食飯傾計，宜度係不錯的選擇！