華嫂冰室 (棉登徑) (已搬遷) 新店位置

路過棉登徑見到華嫂梗係要入去拜會一下佢今次係第一次嚟尖沙咀分店比起觀塘分店 非常光猛 闊落好多 入到去基本上爆哂 雖然要搭枱 但係啲嘢食都唔會話放唔哂🎃皮蛋芫荽香煎豬扒烏冬 侍應哥哥準備放低嘅時候已經聞到好香嘅芫荽味芫荽控表示期待呢個芫荽湯底非常足料 味道濃郁 豬扒都算厚身 煎得好香 唔洗講個湯飲哂 cheers 🎃豬扒菠蘿包菠蘿包仲熱辣辣同個菠蘿皮都脆咬落塊豬扒咇哂啲汁出嚟佢唔係有啲咩秘製醬係落咗芥末醬 又幾特別幾盞鬼喎

豬扒菠蘿包好好味👍🏻菠蘿包表皮超脆，好香牛油味。菠蘿包甜甜的味道與豬扒出奇地夾，另外再加上蜜糖芥末醬，生菜和蕃茄，是個不錯的配搭。另外，熱奶茶亦都好香茶味。

之前試過之後就成日掛住，今次兩個人，一齊幫襯就可以試晒佢嘅招牌美食！樣樣都名不虛傳今次再幫襯檳城喇沙，上次食個豬扒今次叫肥牛！個人都係比較鍾意豬扒！豬扒菠蘿包嘅份量足夠兩個人分！菠蘿包嘅皮真係非常之鬆脆，加上佢個醬汁同埋蕃茄都唔覺得「漏」！另外仲有叫咗一個即灼菜心放，好新鮮不過略嫌上湯鹹咗一啲！另外當甜品就叫咗個招牌鮮油奶多，送上嚟比佢勁厚比嘅多士嚇親！鮮油好似食雪糕咁！好味！上次唔記得影鮮檸蜜，+ $7就有一杯，好香好新鮮嘅檸檬。再次返尋味！超抵食！食咗咁多嘢，兩個人成張單都係$128！

曾幾何時，每當經過華嫂冰室，都有一大堆人喺門外等位，今日早上經過，門口一個人都冇，終於可以舒舒服服入去食個早餐。雞翼豬扒番茄湯一丁$64（轉一丁加$3），雞翼同豬扒煎到金黃色好香，配合埋濃郁嘅蕃茄湯底，好味。豬扒菠蘿包$28，菠蘿包嘅酥皮脆得嚟有啲硬，個包亦都唔熱，好彩豬扒煎到好香，加埋芥辣醬令到個包好食好多。冰花奶茶跟餐$15單點$22，冰花奶茶跟傳統凍奶茶和冰鎮奶茶唔同，奶茶杯面加咗雪花冰，唔會咬到一粒粒碎冰，茶味濃郁，有奶香但不甜膩，推介。

位於尖東 “拉麵街”噶棉登徑，之前去一蘭噶時候路過呢間華嫂冰室，睇評價都OK。今日再來就試試了。本店噶招牌，豬扒菠蘿包，果然不負眾望。豬扒爽口入味唔會韌，搭配生菜同翻茄，入口唔會dry。其他粉面之類噶就一般般啦，一般茶記噶水平。可以醫肚餓，但無必要專程來點。

華嫂冰室本店開設在香港屏山，之前係天水圍同觀塘都有試過，今日有親戚嚟香港特登帶去試吓尖沙咀呢間華數冰室。尖沙咀站出口走過來約5分鐘腳程，係午餐時間已經看到長長排隊人潮。尖沙咀店裝修比起其他分店比較時尚同新浄，店內提供約40張座椅。當日去到已經好多人，所以要同人搭台，位置不大，坐得冇咁自在。⭐️招牌豬扒菠蘿包喺餐牌上有特別推薦呢一款招牌豬扒菠蘿包，也是店內爆紅的人氣餐點。菠蘿包好鬆軟。菠蘿包中有夾入新鮮的蕃茄、生菜，豬扒好嫩，一啲都唔硬，配上醬汁，鹹甜的風味又帶點清爽的味道，完全不會膩口，而且口感更勝單純的菠蘿油。⭐️豬膶牛肉皮蛋芫荽米線個人很喜歡芫荽，所以放棄左招牌嘅蕃茄湯底，揀咗呢一款特色湯底！湯底走的是清爽路線，看似清透，喝起來卻十分鮮美。見到一大碗滿滿嘅料，師傅一啲都唔手軟啊，芫荽居然是連「根」都一起放🤣🤣脆口的豬肝、軟嫩的牛肉都好食！⭐️豬扒皮蛋芫荽米線同行嘅親戚都很喜歡芫荽，都覺得湯底很入味，豬扒處理得很嫩口！⭐️叻沙鮮蝦雜菜米線有別於皮蛋芫荽湯底嘅清新，叻沙走重口味路線。香氣很濃郁，湯頭有些微辣，味道不錯也頗順口。配料主要係蝦同雜菜，雜菜索哂喇沙湯底，所以很入味！當天餐點的表現很滿

華嫂開左新分店位於尖沙咀棉登徑 位置都幾易搵到 係一蘭拉麵附近呢間分店比起觀塘店空間大啲 坐起來都舒服一點 而且有地方可以給遊客們放置行李箱或是嬰兒車值得加分食物價錢相對地亦貴少少例牌叫左個凍奶茶，豬扒菠蘿包服務員都好熱情幫忙下單菠蘿包面熱度適中醬汁完美配合豬扒唔太油膩 味道賣相與其他分店沒差當然奶茶都有茶味同滑身不過等位時間都比較長啲較多遊客等位建議平日閒時來會較好點另外華嫂既招牌麵食蕃茄湯都好濃郁一啲都唔偷工大家有機會都要來試試哦~