Next Station

营业中

休息中

特別嘅日子,嚟到呢間特別嘅元朗國餐廳食嘢,原來好多人都特登嚟打卡!其實佢唔止裝修有心思,啲菜式名一樣好有心思!而唔少得梗係要色香味俱全啦~呢個豬籠炒蛋貝果一上檯已經勁吸睛!佢用蒸籠裝住,仲細節感滿滿咁放埋張墊底紙,咁別緻,當然要俾相機食先啦📸📸明太子真係超級香!當花姐遇上193之明太子意粉嘅醬汁好多,每條意粉都可以沾滿滿嘅醬汁~食晒啲意粉都仲有汁剩,簡直想連碟都lam埋🙈好喜歡食菠蘿,所以點咗呢個菠蘿梳打🍍雖然係菠蘿糖醬,但係比例剛好,唔會過甜。而且上面仲有塊菠蘿乾,賣相靚得嚟,塊菠蘿乾仲好好食添!朋友仔點咗青檸梳打,酸酸甜甜味道唔錯~本來以為呢間餐廳係打卡嘢,但估唔到嘢食都好好味。而且店主非常有禮,有良心嘅餐廳值得再幫襯喔!

Next station 地理位置方便，只要朗屏站B1岀口落樓梯，轉右一直直行，福來花園A座隔離就係打卡位勁有特色，專登過黎薯條好有口感好好食，即叫即炸好酥膽，上面有黑椒同埋鹽，配黑松露沙律醬、泰式辣醬、茄汁勁開胃，尤其是黑松露沙律醬，黑松露好似唔駛錢咁比，勁香勁重本，食到停唔到口啲黑松露真係勁香，落咗勁多🫣，成個意粉都好香，幾重cream，味道ok不過冇乜特色嚟到呢度就係為咗食呢個，賣相已經勁吸引！仲要放喺籠裏面，幾特別，蛋嘅份量好足夠，下面豬似豬柳，好林好軟熟好入味，好值得讚，不過貝果冇想像中咁煙韌，似普通包口感不過都好香，食嗰陣留意番有少少論盡，不過真係值得一試-食物方面冇乜可以挑剔，不過美中不足嘅係等候時間有啲長，可能係即叫即整同少人手嘅關係，同埋建議打電話book定位，假日都幾多人另外枱櫈太埋，好似同隔離好近冇乜私隱度，同坐得唔係幾咁舒服，不過整體嚟講都唔錯，服務態度都好好

今日同屋企人去左朗屏站樓下既小店Next Station到搵食，坐低我地order左以下幾樣 (食物: 豬籠炒蛋貝果，港女最愛牛油果碎蛋沙律多士; 飲品: Dirty同埋Motcha Latte)，整體評分如下:A) 環境 ⭐⭐⭐ （3/5）餐廳座位算多，有少少擠迫感，裝修上加入左bearbrick壁畫及擺設🐻，同主題元朗國有少少格格不入，其實如果獨立黎睇每個唔同裝修黎講係唔錯既，只係配合起黎好似有D怪怪地。B) 食物質素 ⭐⭐⭐ （3/5）食物種類貴精不貴多，值得一提既係豬籠炒蛋begal份量算多味道唔錯，可能因為我分開一層層食，所以食到底部begal已經因為醬汁而變得太濕，個人認為餐廳可以係begal底層加少少牛油，避免因為炒蛋同豬扒既醬汁影響begal底層口感。而牛油果蛋沙律多士味道其實唔差，食到好香既黑胡椒味。至於飲品方案就不過不失。C) 店員服務 ⭐⭐⭐⭐ （4/5）店員服務算友善親。性價比 ⭐⭐⭐ （3/5）性價比黎講個人認為算係合理水平，但因為餐廳開業時間唔算耐，所以都仲有少少空間改進，希望黎緊會做得好d💪🏻