漢發麵家 (大南街)

营业中

休息中

上兩個禮拜食過一次漢發，就成日都心思思想去食。今個weekend 就去望一望，睇下多唔多人使唔使要排好耐。見倒門口都聚集左一堆人，要等十零張台，最後都唔係等左好耐，七八個字倒就已經入得餐廳。今次叫左一人一碗豬膶麵/米，再加個西多同野飲。豬膶照舊好足料，夠厚夠淋又唔腥，好好味。次次食完都好想再去食多次。西多都好食，佢質感係好鬆軟，可以揀煉奶或者糖漿。西多$40件，茶餐廳黎講價錢都唔平，不過就有價有市。間舖6點就收，5:15 last order, 想去試既話就記住要留意啦。

原本去食維記，老公話呢間仲正，咁就即管來試下。叫咗豬膶麵，練奶西多士，鴛鴦紅豆冰豬膶厚切，好爽口，好好味煉奶西多士，第一次配煉奶，感覺唔同我覺得好味過用糖漿鴛鴦紅豆冰，味道好特別，搞下新意思，好味兩個人食唔到好多款，今次好飽下次會再試吓錦鹵雲吞

依區講到豬潤麵，就有兩間好出名由大排檔起家做到開茶餐廳，漢發麵家絕對無介紹錯吾係誇大讚依間小店，而係小店豬潤麵 vs 維記豬潤麵比較，維記食物水準保持吾到往日風味而漢發豬潤麵水準一直保持兩間餐廳堂食先不比較，先比較食物漢發豬潤麵灼得岩岩好，豬潤上枱吾會過熟仲帶汁🤤湯底吾會過咸而維記起家有一段時間👉🏻但過往維記豬潤麵比依家好食好多，現在維記豬潤麵食過好幾次豬潤都係灼過龍，同以前風味好吾同🙅🏻‍♀️而且湯底咸好多所以食豬潤麵會簡漢發漢發除左麵食好食外，連凍檸茶帶大排檔風味，食過麵好回味

聞名已久， 但比較隔涉， 很少刻意過來這邊。 工作關係， 順道過嚟食碗麵。因為食咗lunch， 只能夠食一碗厚切豬潤出前一丁麵， 無法再使其他出品。豬潤煮得時間火候恰到， 豬膶雖然厚切， 但亦十分軟滑， 有點類似食鵝肝的感覺， 調味略淡， 但亦沒有豬騷味。 麵底是出前一丁， 照計冇得輸， 但事實係豬潤不是太夾， 問題是出自湯底。 食開維x的薑汁湯底， 跟住潤混為一體， 互相配合， 非常絕配。 這裏是出前一丁麻油湯底， 始終同豬潤有一些格格不入的感覺。順道一提， 辣椒油香而不太鹹不太辣， 值得讚一讚。鋪内十分清潔， 牆上繪有大排檔壁畫，有特色， 值得再一讚。

曾經幫襯過佢地，但唔知道佢地嘅豬膶咁出名無食到。早前有食評推介豬膶麵，今天係第二次幫襯佢地，專程嚟食豬膶麵。2點幾一個人嚟幫襯都要排隊等入去。豬膶麵湯底味濃唔鹹，幼麵爽。豬膶有6件，厚身但唔會實，夠爽連老人家都咬到。

提起豬膶麵，很多人都會想起維記，但原來深水埗還有另一間小店的豬膶麵很受歡迎。窩夫與蝦子餅某星期六下午約兩點半去到漢發麵家，門外站滿等位的人，結果等了差不多30分鐘才有位，等位時看看玻璃上大量明星合照，光顧過的藝人有周潤發、張智霖、袁詠儀和林海峰等。窩夫很喜歡店內的兩幅壁畫，可惜只拍了其中一幅，記錄了漢發當年還是鐵皮檔的歷史一頁。先來熱奶茶($16)、凍奶茶($17)各一杯。窩夫點了豬膶麵($34)，麵底用的是出前一丁，水準有保證。大大塊的厚切豬膶才是主角，煮至剛剛熟，口感爽滑彈牙，啤過水的豬膶才有這樣的效果，愈來愈少食店會花時間花功夫來製作了。 窩夫與蝦子餅都認為漢發的豬膶比維記的好吃得多，維記的豬膶太薄太乾了，不過窩夫覺得維記的湯底比較甜，各有千秋吧。蝦子餅點了雲吞麵($34)，有意外驚喜，生麵很爽口，水準之作，蝦子餅十分滿意。最後上桌的是西多士($34)，在門外見到告示提醒客人西多士製作需時20至30分鐘，要預時間早點落單。窩夫與蝦子餅落單後才看到西多士索價34元，價格偏高，究竟有何特別之處呢？漢發的西多士不是正正方方的，質地也與別不同，口感有點像梳乎厘、魚腐，軟綿綿的，應該加了不

又係黎到openrice搵食 話呢間野正過平時食開既維X 就過黎試下首先講個鋪面 佢都叫幾有特色 睇到落咗幾多心機係D枱枱凳凳 唔同野既配搭上面一坐低 餐牌都唔睇 直接就叫被推介既豬膶麵一上個陣 我仲以為叫咗午餐肉面睇真D 原來真係豬膶黎 只係厚切咗咁我平時食面都會先飲啖湯先既呢個面既湯就普普通通 係平時食開既一丁味粉同少少豬膶味再試一啖豬膶 又真係爽口唔林喎 份量又多明顯地 D豬膶係灼一灼到剛剛熟但係缺點就係令到豬膶冇出味落到D湯到 

很多人都說維X豬膶麵好好食, 排晒隧, 我覺得可能有部份人未有遇上過"漢發"而已....我總覺得維X的豬膶煮得太耐了, 口感只有粉, 而且滾耐的豬膶令湯變得很混濁, 看到都打了折.漢發是由大排檔做到入舖, 入得舖一定有因.此店出色食品包括餐蛋麵,豬手鳳爪, 熱奶茶...  而不得不提就係我極力推介的"豬膶麵"以我認識好食的豬膶, 本身新鮮, 灼得不用太耐, 剛好, 有一點點的血水, 這就有外脆內軟的感覺.此店除了做到以上外, 他們還要再係呢份作品上加上一點裝飾 - "厚切上". 這份心意再加上丁麵(配原包味粉), 再ORDER 多一杯熱奶茶.老店, 大排檔, 冰室的價值就是他們食物不是以裝潢或服務取悅食客, 而是用心的食物及制作過程.