坐忘

营业中

休息中

專登入港島食豬軟骨咖哩飯，等左5分鐘就有位，先講個咖哩飯，日式甜咖哩唔辣既，而最緊要係佢抽離左普遍日式咖哩既通病，死喊同有味精，佢依個咖哩食完係唔會口渴要人狂飲水，依樣好難得 ！至於個豬軟骨好淋好有味，仲有兩大塊，男仕黎講啱啱好。女伴因為中完流感，剛剛好返，想食得清 d ，叫個蔬菜飯，茄子，蓮藕，南瓜最好食，如果想食素既啱曬。食完飯一定去東岸公園既海邊坐下，閒日去比較小人，在長椅上吹吹海風，很溫馨浪漫。

食左幾次，但就第一次為佢寫review。次次晚餐黎都要排隊，大概15分鐘內，都可以入座，今次都唔例外。都幾多外國人黎食，今晚都有4-5枱。豬軟骨咖哩飯$69似乎係signature dish ，水準有keep 到，豬軟骨依然係好易入口，未至於「即溶」，但易咬！佢嘅咖哩係唔辣嘅，同行唔食辣嘅朋友都食得好輕鬆，無大汗淋漓！溫野菜白芝麻湯烏冬$68由於想食清啲，只係點左菜烏冬。但實在太清，但湯有芝麻味，但唔算香濃，湯頭應該係個精華所在，但佢個味過於清淡。加埋本來都無咩味嘅菜，有少少似食緊「減肥餐」😂⚠️注意：唔食葱嘅人記得走葱！

上年幫襯過一次食一日野菜咖哩飯本想再返黎試佢個招牌菜豬軟骨但一直都冇機會今次終於有機會去天后食啦豬軟骨好淋好入味果然係慢煮呀有兩舊大大舊豬軟骨都幾抵食尼間出名多菜所以佢嘅配菜份量同種類都唔錯尼個係期間限定蕃茄牛肋骨咖哩飯牛肋骨雖冇豬軟骨咁淋但都幾好食有好多唔同種類嘅配菜我好鍾意烤雞雖然juicy肉汁豐富但可惜唔太入味較豬同牛遜色值得一提嘅係南瓜栗米飯非常夾撈埋咖哩汁食就一流