影片
更多
2013-08-01
2311 浏览
雖然好鐘意貓，但真係一次都未去過貓Cafe，所以朋友特登帶我去全港僅存嘅「正式」貓貓Cafe（咪又係我Book位喊出黎），因為係臨時決定，所以只係前一日嘅星期五中午打去訂位，好彩都仲Book到。當日準時到場後自然唔使等就有得入，不過一入到去我都打個突，因為真係幾多人下，可能要就客人數量，座位都排得密麻麻，朋友表示佢無耐前黎嗰次鬆動舒服得多，可能今日真係太多人無計，而且有限時（正常？）。一坐底緊係四周圍睇下邊到有貓貓啦，不過一開頭隻隻都唔見人，只好先睇下有咩食！因為朋友上次無食到貓主題嘅食物，所以我哋決定今次嚟個「全貓宴」！首先嚟嘅係「貓貓棉花糖朱古力」，我個杯係凍，朋友嘅係熱，味道正常好難會有大落差，不過朋友嗰杯嘅貓貓棉花糖公仔明顯可愛過我個杯，可惡！貓多士，兩塊的表情唔都同，超級可愛，而煉奶都有肉頭圖案，雖然係簡單嘅一樣，但整得幾脆幾好味。之後送上「主菜」貓樣Pizza（煙三文魚），雖然個樣真係唔太貓樣XD，不過係意外地好食！煙三文魚味濃而不搶。看起來還算不錯可愛，三款不同的甜品，但一試下去好吧我中伏了，真的真的太甜了，經已唔知自己食緊咩.......急忙要水......最後食嘅就係
當日準時到場後自然唔使等就有得入，不過一入到去我都打個突，因為真係幾多人下，可能要就客人數量，座位都排得密麻麻，朋友表示佢無耐前黎嗰次鬆動舒服得多，可能今日真係太多人無計，而且有限時（正常？）。
一坐底緊係四周圍睇下邊到有貓貓啦，不過一開頭隻隻都唔見人，只好先睇下有咩食！因為朋友上次無食到貓主題嘅食物，所以我哋決定今次嚟個「全貓宴」！
首先嚟嘅係「貓貓棉花糖朱古力」，我個杯係凍，朋友嘅係熱，味道正常好難會有大落差，不過朋友嗰杯嘅貓貓棉花糖公仔明顯可愛過我個杯，可惡！
貓多士，兩塊的表情唔都同，超級可愛，而煉奶都有肉頭圖案，雖然係簡單嘅一樣，但整得幾脆幾好味。
之後送上「主菜」貓樣Pizza（煙三文魚），雖然個樣真係唔太貓樣XD，不過係意外地好食！煙三文魚味濃而不搶。
看起來還算不錯可愛，三款不同的甜品，但一試下去好吧我中伏了，真的真的太甜了，經已唔知自己食緊咩.......急忙要水......
最後食嘅就係呢個貓餅乾夾雪糕！同朋友一人一隻唔同味，兩種貓表情超正好可愛，不過食起上嚟對我真係有啲難度，無從入手啊我！！！但點解朋友可以好好咁食哂，我就會食到一台都係仲要拆件先食到（掩面）食野途中啲貓貓都出哂嚟！仲可以同佢哋玩、摸下佢地，可惜相機渣影親都炒左QAQ咁治愈一餐真係唔錯，不過比我再揀我會平日少人先黎XD
张贴
