Little Vegas

营业中

休息中

放工後接到前同事兼好朋友的電話說想聚舊，因為太耐無見，便一口答應，畢竟好朋友嘛😘朋友帶我去的是一間經營美式菜的餐廳，內裏的裝修、擺設和menu都充滿玩味，可以講是一間打卡聖地的餐廳📸，而食物和餐飲同樣出色，難怪生意這麼好🤩我們沒有訂位，等了約一小時🤦🏻‍♂1. 明太子忌廉天使麵 $106上碟時已經有點震撼，柴魚絲和醬汁已蓋過整個麵，天使麵很煙韌，明太子很多，而且個汁好香好濃稠，好似每一口都食緊撈麵咁😋2. 賭城至尊比薩 $118餅底簿身及脆皮，材料有肉醬、辣肉腸、蘑菇、菠蘿和燈籠椒，很足料，很好食，美中不足係餅皮邊焗得有少少燶3. 命運賭城小食拼盤（小份） $88小食既種類是隨機出的，未必次次一樣，當日的有炸雞翼、炸魷魚圈、炸薯角和炸洋蔥圈，全部熱辣辣，炸得金黃和香口🤤4. 特色榛子朱古力（熱） $48朱古力味好濃，而對本人黎講甜左少少，但冬天飲一杯熱既朱古力係好正，好暖身😚5. 蜂蜜梳打 $48一杯冰既蜂蜜梳打，就如蜂蜜味汽水，食野時飲番杯最爽😝

同之前一樣都係透過訂座平台訂位而獲得10% off係地面等左好耐Lift 先上到去 比原定時間遲左5分鐘先到 見到出面好多人等位都以為要等一段時間 點知馬上就入得! Lucky! ☺️命運賭城小食拼盤 大份 $108今次因為有3個人所以點左個大份 但係好似佢唔係話真係好大咁同之前叫小份好似差唔多咁 🤔不過今次就有雞翼 雞翼半煎炸咁超級入味而且好香🤩入面嘅雞肉剛好熟 所以好嫩滑😋而薯角同腸仔都同之前一樣咁好味👍🏻但係薯餅就好淡 好似無咩味咁 有d失望😖蒜香芝麻番茄辣蝦意粉 $126呢個意粉比之前食過嘅冬陰功意粉好食意粉好入味 而且其他材料都好多 好足料👍🏻個意粉都有番茄味同微微嘅辣味 但係就食唔出有蒜香同芝麻味 🤔整體黎講係幾好食😋松露野菌燉飯 $106佢地嘅risotto 一直係我嘅最愛 🤩非常濃嘅野菌味 而且飯粒好chewy 所以每次黎到都一定會點!👍🏻👍🏻賭城至尊比薩 $118因為唔夠飽 所以再點份pizza佢係薄批黎 上面就有菠蘿 腸仔 菇 芝士等toppings其實都係估到嘅味道 所以唔係話太驚喜 🤨average 啦 但係我地都覺得上面嘅‘菜’同pizza嘅味唔係好夾無左佢地可

同朋友系銅鑼灣購物完，肚餓就搵間餐廳醫下肚，原來有間裝修咁正既地方，門口牆上的噴畫超有格調，整間餐廳裝修得，像外國風格的rock style, 擺位，餐牌design 得好特別明太子忌廉天使麵天使麵一黎到就聞到好香，入口每一啖都有粒粒明太子，天使麵嘅味道超香濃, 明太子伴有小小辣令天使麵更惹味，一食就停唔到口，好多木魚😋旁邊仲有少少菇菌類幾有口感。賭城至尊比薩個薄餅好豐富，有好多餡料，精華所在係底層係好薄嘅薄餅，香脆得來，中間有一層肉醬，面層有腸，燈籠椒，菠蘿，蘑菇，仲有好多芝士，個批仲可以拉撕💓超喜歡這個pizza秘製醬汁焗豬肋骨秘製醬汁好香，豬肋骨入口啖啖滋味

Little Vegas顧名思義以拉斯維加斯做主題的餐廳。餐廳很有美式風格，牆上畫滿了色彩繽紛的塗鴉，又有很多小玩具作裝飾，充滿著美國風情。店內五光十色、紫醉金迷，有很多大燈泡閃爍著，仿如置身於拉斯維加斯一樣。加上開揚的大玻璃窗，既可遠眺跑馬地風景，又能感受陽光照射，感覺非常舒適。餐牌亦花了不少心思設計，與店內設計、氣氛互相配合，讓人心情輕鬆人愉快。餐廳主打fusion菜，當中加入了不少東南亞元素，食物多元化及選擇多，而且份量足！Rose Latte($48)有玫瑰香味之餘，亦不會蓋過了咖啡的味道。拉花及玫瑰花裝飾很美，很吸晴！玫瑰雞翼($78)皮脆肉嫩，甜甜的，很開胃！賭城至尊比薩($118)皮薄很脆，餡料多，即使吃多幾塊也不會覺得膩及滯！秘製醬汁焗豬肋骨(半份)($116)這個豬肋骨比較其他餐廳的較厚肉，而且爽口有肉汁又不韌，口感不錯！

人年紀越大，越會珍惜身邊的朋友，難得良朋暢聚，當然要搵一間食得出色，坐得舒適的餐廳，才夠盡興。有朋友提議來到銅鑼灣的百樂 中心覓食一下，那是一幢銀座式的商業大廈，內裡充滿著各式各樣的食肆，大家七點鐘左右來到，已發覺樓下電梯大堂大排長龍，果然是銅鑼灣的覓食熱點！經大家商議後決定來到一間走美式風格路線的餐廳，那店佔地全層，一出電梯已見到色彩繽紛的彩繪牆，由門面到店內都佈滿歐美風的卡通及插圖設計，花花綠綠的佈置，吸睛度極高，玩味十足。餐廳內的設計貫徹主題，充滿著不少Vegas賭場風格的裝飾和小 擺設，加上店內人氣鼎盛，氣氛熱熾，充滿著年青氣息。店內多以四人枱為主，但也可隨時合拼成大枱供一大班人使用，頗有彈性。大夥兒來到時餐廳早已爆滿，等了差不多三十分鐘才可入座，難怪門 口放有告示，提醒客人因店子座位有限，全場都設限只有九十分鐘用餐時間，還好此店上菜速度十分快，吃起來也不是太趕，但如要促膝詳談就要另覓場地了。望望餐牌，設計亦是充滿著美國風，十足在看美國漫畫一般，清晰得來有點搞笑；而收費屬中位價錢，大部分菜式都是一百元左右，在銅鑼灣算是較為親民及可接受的價格定位，難怪年輕客人佔了大多數。我們點了

呢次食飯嘅目的主要係為咗慶祝朋友嘅生日。約一年前光顧過呢間餐廳對於佢嘅印象都唔錯，所以今晚就決定係呢個聚首。我哋一行五人係大概七點半到到達餐廳。由於呢間餐廳完全係採walk-in嘅制度，所以我哋等到八點半先至有位。Menu入面都有幾多菜色。而我哋亦都等到好肚餓所以一打開Menu見到有頁必食推介即刻全部都叫晒呢度上菜嘅速度非常快。食物熱辣辣之餘賣相亦吸引。最推介係芝麻雞翼10分入味整體來講食物嘅性價比非常高。如果要挑剔的話，個ribs有點偏鹹但（其實因為我個人重口味覺得都幾好味)。個冬陰公意粉就比較辣，由於我D朋友都唔係好食得辣所以基本上成個意粉都係我食晒咁滯😂服務好好！切餅費$10/人。叫佢執枱諗住再叫佢地上蛋糕，未出聲職員已經好聰明地幫我地拎個蛋糕出嚟仲有職員拎咗依家時下最流行嘅唱k咪(容祖兒果支😂)為我地唱生日歌是live的哦😂😂😂都係一個幾特別嘅回憶

一直都想拜訪小賭城~“Little Vegas” 而苦無機會，皆因其90分鐘嘅限時用餐制度囉！成班朋友聚餐，90分鐘真係唔見使㗎，搞到大家卻晒步！既然一班人唔work，就二人行啦……是日我倆lunch時間walk in到，一間充滿漫畫色彩嘅餐廳，即時活現眼前！佈置上帶點年輕活力，再加埋萬聖節裝飾，難怪吸引咁多後生仔女啦！Menu上有must try items，一定係好嘢，就叫二款試下先……1.黑松露野菌長通粉$102：我倆唔好長通粉，落單時叫侍應生將之改為天使麵！好可惜，天使麵口感過腍，又毫無黑松露味，碟麵認真麻麻！2.賭城至尊比薩$116：個pizza雖然薄批，但夠足料，有齊菠蘿、蘑菇、煙肉、腸仔、燈籠椒等。仲鋪咗好多芝士，層次豐富！3.綿綿朱古力：杯朱古力都有靚靚拉花，但朱古力味唔濃郁，口感似飲柯華田囉！4.玫瑰草莓冰沙：夠冰凍，有淡淡玫瑰香，甜甜地咁啦，賣相几養眼！整體味道一般，屬綽頭嘢！環境、賣相佳，呃like至！

今天同媽咪跟Mr. L 去銅鑼灣行街，醫肚的時候選擇了Little Vegas。這裡的裝潢帶美國style，老闆似乎好喜歡動畫, 無論在牆上, 枱上及杯上都畫滿不同動畫，而每張枱都有一個畫上公仔的玻璃杯，杯內放滿不同種類的糖果，加上恰當的擺設，非常特別。這裡並沒有 set, 故我們3人叫了3個 main course, 1 個小食及1杯特大的飲品。黑松露野菌長通粉 - 野菌雖然唔算太多， 但黑松露汁好濃郁及香， 滲入軟硬適中的長通粉內，更加入味。 招牌燒烤醬豬助骨 - 每條骨都沾滿濃郁的燒烤醬， 配上香脆少辣薯角， 香口惹味。賭城至尊比薩– 餅底屬於薄脆， 適量的芝士， 而且上面舖滿肉醬， 腸， 菠蘿， 蘑菇， 燈籠椒， 咬落每口都有豐富的材料， Yummy!雞翼三重奏分別是水牛城雞翼、檸檬雞翼和玫瑰雞翼 – 由於Mummy 吃不到辣， 而且叫拼盤太多炸野， 故我們最終選擇了雞翼三重奏， 三款雞翼都外脆內軟， 檸檬雞翼， 味道微酸又帶點甜， 正合Mummy胃口， 玫瑰雞翼個人認為甜多d， 卻不覺花香味， 水牛城雞翼味道是當然係最濃， 而且少辣加酸酸甜甜， 正合Mr. L 的口味。