笑林寺

营业中

休息中

係灣仔區搵奶啡時搵到呢間餐餐廳，見近近地有主題所以去試食。餐廳用上中國少林寺武功做主題，中式木餐桌為主同餐牌用招式名賣咖啡西餐甜品。可能近銅鑼灣比較上冇咁多辦公室客所以人流唔算多，檯放得好疏落，所以都坐得舒服。.赤練神掌 （即肉醬意粉+溫泉蛋）💲88 (lunch set)⭐️4/5因為鍾意肉醬意粉所以叫，唔係因為打卡或者咩名物🤣。份量比想像中多50%，肉醬大滿滿，食到尾都仲有好多，酸甜度適中。純個人偏好覺得幾好食同抵食😆。.化骨綿掌 （即Cappuccino) 餐+💲8⭐️3/5跟番主題用中式茶杯上。但呢杯咖啡質素麻麻哋，普通西餐廳咖啡質素，拉花唔算好靚🤪 因為上檯一陣已經散哂。.是日甜品：Cream Brûlée 餐💲+19⭐️3.5/5跟餐加錢仲有甜品選擇，份量都係比想像中大 50% 。焦糖燉蛋係最傳統港式西餐廳質素，可惜少少係下暖上凍，應該未完整翻熱。.🔸總括嚟講：佢係一間玩少少主題嘅港式西餐廳。份量足味道唔差定價合理，普通食一個晏仔，近近地間唔中黎食下我覺得絕對OK可以回頭。但如果特登過嚟打卡既朋友就唔特別建議了。.不專業食評 nei.foodie

餐廳設計係中式但食既野全部都係西式🤣睇餐牌既時侯都覺得店主好有創意就算食物都係常見 但望落都有新鮮感！Lunch set 係銅鑼灣地帶加環境黎講算係幾抵食每個餐都附送咖啡一杯 有fruity & nutty 選擇fruity 黎講都係比較酸 朋友話係佢飲過 nuttyPS Coffee 用中國傳統茶杯上 因為冇奶既關係拎起上黎好似真係飲緊茶咁（餐廳都有提供！）🍽桃花島 $95creammyyyy🤤 鐘意食會好鐘意🤣朋友有覺得少少漏🍽赤練神掌 $88蕃茄牛肉醬好香濃 最鐘意係醬夠多食到最尾都仲有淨🤤溫泉蛋包住食非常夾Overall 份量都大！本身想試個甜品都食唔落！下次再試😌

嚟過呢度N次食午餐😋，今次嚟到有些唔同，就係餐牌上多咗聖誕限定主食和甜食🎄趁熱食煙芝萍寬麵 (HK$119) (聖誕限定)．好少見意粉有蘋果粒，好特別！．蘋果粒有些少爽口，清甜，不會因為煮熱咗而變酸．切片的煙肉，肥瘦適中，只係覺得得3小片太少啦．醬汁滿滿香濃的蒙特瑞傑克芝士和車打芝士味道，超芝味😋赤練神掌 (HK$88)．其實是蕃茄肉醬意粉配慢煮溫泉蛋．面頭嗰啲係方丈的自家製蕃茄牛肉醬，煮得好好味😋．今次溫泉蛋嘅蛋黃有點過熟，不太流心，不過蛋白就剛好．將所有食材撈埋一齊食先正呀六脈神劍 (跟午餐 +HK$8 / 單點 HK$40)．這是Flat White．可以揀nutty或fruity味嘅咖啡豆．用特別嘅中式茶杯．creamy 細滑奶泡薑餅銅人 (HK$35) (聖誕限定)．樣子好攪笑，讓我想起Shrek裡面嗰薑餅人，要唔要求佢哋出嚟呢？原本點餐時，問店員我哋應唔應該同時點埋聖誕限定甜品 (grapefruit brulee)，店員建議之後先點都得。點知，食完主食後，行去櫃檯點甜品，店員竟然話俾我知賣晒🙀，無得食，真掃興😒

店內環境是中式書室風，木枱木凳，空間感十足。餐牌上所有食物和飲品名都係嚟自金庸筆下嘅小說，非常有趣😂呢度嘅午餐包一杯大力金剛指 (黑咖啡)，亦可以補差價叫其他嘢飲。桃花島 (HK$95)這是酸忌廉煙肉意粉配上花形嘅煙三文魚。嘩！超大份量，意粉煮得彈牙爽口，creamy醬汁，超多芝士碎絲，食晒好飽好滿足😋草上飛 (HK$95)一隻大啡菇在綠油油的青醬意粉上，配上蒜茸、番茄粒和洋蔥粒。大啡菇煮得好淋又多汁，好好味。意粉煮得彈牙爽口，不過青醬好似唔夠多，味道比較淡。赤練神掌 (HK$88)這是蕃茄肉醬意粉配慢煮溫泉蛋。蕃茄肉醬煮得好好味，肉醬超多，撈埋意粉和溫泉蛋，一齊食，食到底都仲有肉醬，正呀！滿地花雨擲肉碎 (HK$82)不想食意粉可以點這個，是蕃茄肉醬加上酸忌廉煉在田園麵包上，伴上新鮮蔬菜。超多肉醬，所以食晒成碟真係好飽。大力金剛指 (跟午餐 HK$0)這是黑咖啡，但幾特別係可以揀nutty啲或果味啲嘅咖啡豆，幾好飲呀～一陽指 (跟午餐 +HK$8)這是牛奶咖啡 (拿鐵)，同樣可以揀nutty啲或果味啲嘅咖啡豆，奶滑濃厚，好味😋化骨綿掌 (跟午餐 +HK$8)這是泡沫咖啡，同樣可以揀n