屯の大阪章魚燒

营业中

休息中

真係唔記得幾耐冇食過章魚燒，係葵廣咁大競爭力既地方，見咁多人排隊梗係要試下！章魚燒都幾多選擇，足足有九款，其中超正啖啖明太子、超濃香黑松露、鹹蛋黃金流沙等十分特別，而且仲可以揀雙併／8粒，組合性都幾大。🚩 超爆多蟹籽（6粒） ＄33✣   因為人多既緣故，要等20分鐘先有得食，拎到果下都哇左出黎，除左熱辣辣之外，超爆多蟹籽實物如圖，職員真係落左超多蟹籽，每粒章魚丸都沾滿蟹籽粒，木魚同樣比得好多，真係要挑剔的話就係本人喜歡多沙律醬，唔記得叫佢比多啲😢

原店舊址位於屯門，現時由一班年輕人用舊名喺葵芳廣場開業，屬商場食街嘅人龍店之一。據講新店主於開業前特意聯络舊店主請教學藝，誠意十足。人龍店果然名不虚傳，排隊需時，但店員手腳都快，落單嗌No.都分工清晰。未有出現混亂。最想食嘅黄金流沙 暫停售賣，唯有退而求其次Order咗“啖啖明太子”同“超爆多蟹籽”熱辣辣嘅章魚燒好快到手，完全無違反商品說明條例😬真係爆多蟹籽，而明太子亦满滿，但無出現死咸爛咸情況😌😌章魚燒做到外脆內軟，各位朋友仔食嘅時候務必唔好太心急，小心燙傷😆😆

去食章魚燒，點解咁想食？因為足料到不得了，睇相都不如睇實物咁吸引🤪 超爆多蟹籽($34/6粒)💕真係好多好多好多蟹籽，多到差啲見唔到章魚燒，吉起一粒之後都係成粒章魚燒都係蟹籽，多到咁，夠哂抵食。呢一款口味覺得要用匙羹食🤣章魚燒本身都夠脆，由葵廣外賣行左一陣都仲脆👍好味指數 🌕🌕🌕🌕🌑抵食指數 🌕🌕🌕🌕🌑打卡指數 🌕🌕🌕🌕🌑 超正啖喺明太子($33/6粒)賣相好精緻，好似cup cake咁。明太子咸咸地，加埋章魚燒醬汁，都唔錯，但我覺得人地嘅好似明太子多啲👉👈 好味指數 🌕🌕🌕🌕🌑抵食指數 🌕🌕🌕🌗🌑打卡指數 🌕🌕🌕🌕🌑