蔥仔越南包

营业中

休息中

🥕位於大角咀既越南法包小店🥹✌🏻小店只有一款包 可以配餐湯或者時菜 呢個每日都唔同！留意返餐廳只有外賣🥡 中午時段我都見到有唔少打工仔過來 應該係買返公司食🍽️包分別係賣4.5寸同埋9寸 我個人覺得一個女仔自己食4.5寸就夠 但係我見大部分男人都係買成條越南法包🤓越南包🥖配兩款時菜($38)越南法包層次都幾多 有扎肉同埋雞肉既肉香味 又有醃蘿蔔既酸味 仲有少少肉鬆👀幾特別 好少見 配埋肝醬同埋蛋黃醬 味道好多層次🤞🏻佢哋個蛋黃醬幾特別 好似夾左少少豬油 令到個油脂感更豐富👅時菜選擇每日唔同 咁啱我佢個日有椰菜、西蘭花🥦、冬菇 菜係用左少少麻油醃過 配埋少少蝦米🦐一齊食幾開胃唯獨有少少可惜既係 我去到先發現所有飲料已經停止售賣😿 原本想夏天熱辣辣 想試下佢哋個凍椰香咖啡☕️味道：🥖🥖🥖🥖.75/5 📍 蔥仔越南包 (大角咀)地址：大角咀櫸樹街52號地舖

原本對越南包冇特別嘅喜愛，平時都唔會特別去食😂直至到機緣巧合之下因為見到聰仔係黃店想試吓，一試就不得了，已經唔係講緊立場，好食到黐線，即使唔係黃店都一定會定期幫襯🥹🥹即使而家住緊大埔一個月食返兩三次係走唔甩😻一咬落去嗰種滿足感真係….成世人嘅煩惱都唔記得晒～～～～ε-(´∀｀; )真係唔係老吹，試過就知！帶返個頭盔先，不過個人係鍾意食法包嘅對於鍾意食軟麵包嘅人可能會覺得有少少硬🤫而且其實價錢真係幾抵，作為一個女仔食量唔係好大，買一個大嘅12吋包先$50仲要送沙律😵‍💫😵‍💫😵‍💫夠我食兩餐，所以我平時買完一個鐘會另外買多兩至三個擺喺屋企冰格，識嘅時候用焗爐焗返熱，雖然就真係冇即場食咁好食但係都有95分♥️，唔講真係以為做緊蝕本生意，強烈要求佢哋加價囉🥺自從食過佢哋嘅越南包之後，成日都會有啲口痕想再食，但係要注意因為佢哋開嘅時段唔係全日，有時候撞唔啱時間搞到冇得食，所以都有試過其他舖頭嘅越南包，真係差十萬八千里🥲完全冇得比😂

呢間係住喺附近嘅朋友強烈推薦必食👍🏻之一，星期日仲只限賣50個🥖，12:25時啱啱到就見到門外排咗幾個人🧍🏻🧍🏻‍♀️，好彩朋友一早WhatsApp 落咗單，所以唔使等好耐就可以拎喇🛍！9吋嘅越南法包滿滿都係料🈵，一路食啲料就一路跌，而爽脆嘅酸蘿蔔絲配埋肝醬，感覺剛剛好唔會太膻太膩，不過愛食芫茜嘅我，就略嫌芫茜唔太夠🤫。另外，加配嘅蔬菜有三樣🥦，淋上芝麻粒，味道啱啱好唔會太單調，整體嚟講作為午餐十分滿意，而且用料充足，令人再想幫襯，果然係推薦之選💕

在op搵餐廳，無意見到這間，個名幾特別喎😅，咁多好評既，又是在奧運，就入去睇下，幾好咁喎，即要放工買返屋企試😃在地鐵行黎3min就搵到，鋪頭細細，有兩個工作，有兩個在等外賣，地上貨滿貨，行入去有點迫😅，我未食過，就要半份越南包啦，單點半3個包，30蚊，套餐有兩2款，套餐A, 38蚊，湯或兩款蔬菜（不知是否天天一樣，今日是西蘭花加椰菜），套餐B是湯和菜都有，45蚊，我揀左B😊, 我比錢時，佢話這裡是自助的，放在收錢處可以了👍，整包的男仔就叫個人比個湯和前我，佢就比兩碗我，心諗沒有手抽？我話等埋一陣先，佢就話咁放在枱先啦😂，聽到個人叫多醬，我又要多醬😅，整包都係都好快整好比個包我，我問無手抽？佢有禮貌地話自助的，在前面拿就可以😃返到去，個包是用個半透明既袋入好，幾好喎👍，食一啖，好食喎，個湯是南瓜粟米，好cream, 正喎😃，個菜好多的，仲好新鮮，返黎都不用加熱都好食，要再去買啊😃👍

呢排天口熱…胃口差哂😂😂…所以搵D輕食😏…揀左食越南包入門口記得攞個籌先…呢度幾啱有選擇困難既朋友…因為得越南包揀…仲要得一款…你既選擇係辣定唔辣…同埋4.5”定9”…當然你要都諗下加唔加湯同菜…既然胃口唔好加輕食就點左9”要辣同加菜同湯…是日餐湯係蘑菇湯同南瓜湯…點左最愛既蘑菇湯同加碟菜…菜就普通烚菜加左D醬汁(唔知係咪越南style)…正常…蘑菇湯好飲喎…好多蘑菇好香…個湯又夠滑…最緊要夠熱主角黎啦…首先跟據餐牌…越南包成份係有越南包…扎肉…烤肉…甘荀…蘿蔔…肝醬…蛋黃醬…青蔥歲月…芫荽(第二個字點讀🤔)…辣椒同豬肉鬆。 好鬼多餡😍😍😍…個包好鬆脆…唔會好似石頭咁…黎時仲要暖笠笠…蘿蔔應該醃製過酸酸May May…即刻開胃左少少…其他d肉都好好味…雖然一齊食唔太分到…最緊要有辣…正…好好味👍👍全速食左4.5”…即刻要轉低波…上斜又無牙力了…後尾欄下欄下就ko埋剩番嗰4.5”店員好好禮貌…野食又好味…推介。(呢度係係個兜度自己俾錢同找錢…我話你都好信d客人…佢就話會昅實喎😏😏)

葱仔越南包，大概係我每次喺大角咀附近都必食嘅食肆，舖仔細細好似唔太起眼，但門口有個好顯眼嘅白底葱仔招牌舖頭內座位唔多，但裝修清新簡約舖頭專心做好一樣野，就係越南包，原個同半個包，散叫同單點都有，喜歡嘅甚至可以剩係買個包攞走，而另外有湯同菜配搭，價錢都非常親民
呢度係菜兩份，每次黎都有唔同選擇，通常都會有西蘭花同有出面比較少有嘅秋葵，而且好新鮮，加上XO醬添上一份香氣
湯品有粟米南瓜湯同磨菇湯，兩樣都係誠意之作，磨菇湯有菇蓉加上菇粒，好足料，而南瓜湯嘅南瓜係足料南瓜煮出黎
食葱仔始終係越南包先係主角，呢度係半個包，好細心咁用袋袋好唔怕啲汁滴到周圍係
個包真係好足料，多到唔記得有無數漏，有烤肉、芫茜、蔥、肝醬、醃甘筍絲、醃蘿蔔絲、蛋黃醬、辣椒、豬肉鬆，最底有扎肉加起黎嘅味道就係豐富嘅層次感同足料嘅咬感，但又唔會因為過多嘅餡料而甩到周圍係，而個包都唔會太大太乾太硬，成個越南包都好平衡好出色
之前黎有檸檬水可以自己斟，今次黎有好似羅漢果味嘅茶，有心意
葱仔越南包呢度舖仔細細但的確成間舖頭做得所有野都好出色，而另外值得一提嘅係顧客通常都會主動幫手清返乾淨自己張枱同放返個盤係出餐位，同埋顧客係自行

經過這幾個月 應該冇人會唔識依間食店蔥仔越南包係年青人或者支持香港喺大角咀必去嘅地方越南包裏面嘅配料十足以及多種不同味道的蔬菜與肉類和醬料 選用瑪莎嘅法式麵包 用焗爐烤至外脆內軟 老闆製作十分衛生會戴上手套時 只會掂食物 唔會掂其他嘢 所以俾錢嘅時候需要自行找續

睇完網上介紹大角咀美食，今日放工專程去試試這間小店。小店位於櫸樹街，不算旺區，但總算易找。店舖面積不大，可容納10人左右。（可以選擇外帶）全店只賣一樣食品 - 越南包，客人可以選擇半條或者全條（9 吋），餡料包括扎肉，燒腩肉，青瓜，豬肉鬆等等等等，店主說蛋黃醬是自家制的，沒有反式脂肪，令人食得很放心 味道方面，我很欣賞店主即叫即整的做法，雖然每個越南包由加熱到製作都要等5-8分鐘，但個人認為是值得等的。跟坊間不同的是，包面暖暖的，有點脆，不會太硬及冷，餡料新鮮，配合蔬菜及醬汁真的很好吃一個人吃全條又飽肚又健康，都只需$50 吧，個人認為性格比極高！溫馨提示： 星期六是休息的，想試食的朋友們記得平日或星期日去吧