花漾

营业中

休息中

好耐冇去時代廣場，以前的商鋪變咗食肆。當晚人流唔多，只得三、四枱客。材料豐富，魚仔脆，混埋老鼠粉(銀針粉)一齊食，味濃有口感但食得多可能會膩，所以細細煲就夠。賣相同餐牌差好遠蘿蔔榚太淋，炒得過火，因為醬油關係，表面似燶咗芽菜唔爽，味道似老鼠粉。侍應細心，叫厨房將多士分四份。斑蘭醬好香，多士亦脆，如果多啲牛油同斑蘭醬更好。唔同一般肉骨茶，白胡椒湯較清，胡椒味唔濃，排骨淋、麵線爽滑全晚最好食呢個，因為熱辣辣，鹹蛋黃夠，又唔係太油，味道正常。餐廳當晚冇我想食嘅燒魔鬼魚，唯有叫個簡簡單單，冇乜驚喜又飽肚。葱餅唔油，咖喱汁普通。我和朋友嚟之前睇過食評，有好有差，所以我哋都唔會有乜嘢期望。堂晚幾枱客只係食海南雞飯，咁樣會唔會影響廚房質素呢！？

花漾係Time Sqaure新開嘅星馬餐廳，見裝修幾靚價錢又唔貴就約朋友黎試下。佢地嘅Menu選擇都好豐富，講得出嘅地道星馬菜都可以喺度食倒，全部都係一百幾十就有交易。凍桔仔話梅冰($32) - 話梅酸甜味幾突出，唔會太甜，都幾好飲。凍香茅鮮橙茶($32) - 香茅味唔算重，反而以橙味為主，味道唔錯。班蘭咖也多士($36)  - 多士中間除左咖也仲有大大塊鮮牛油，甜甜嘅咖也醬配上微鹹嘅牛油比淨係得咖也醬好食，不過就唔太食倒班蘭味。參峇醬燒魔鬼魚($148) - 雖然魔鬼魚喺星馬係好普遍嘅菜式，但就第一次喺香港嘅星馬餐廳見倒，所以點都要試下。魔鬼魚大約有手掌咁大，佢地嘅魚骨同我地平時食倒嘅魚係唔同，魚骨喺晒底部，而且都比較租同唔係尖嘅，所以唔怕會有哽骨嘅問題。魚肉一條條咁，肉質係帶少少彈性，配埋參峇醬幾惹味。輕量地道老鼠粉($68) - 老鼠粉雖然話係輕量，但載滿直徑約6吋嘅沙煲份量又冇想像中咁少。老鼠粉上面鋪滿半熟蛋、豬肉碎、花生、江魚仔、菜脯同參峇醬，配埋煙韌嘅老鼠粉，撈勻食辣辣地咁幾好食。椰子雪糕三文治($38) - 所謂三文治其實似似地懷舊西餐嘅餐包，口感係比較軟熟，中間放左椰子

紅磡過海真的好興奮~同朋友出銅鑼灣行街，喺時代買完野打算食埋飯先返屋企，行過見到呢間裝修得幾靚嘅餐廳，食新加坡馬來西亞野，就決定試吓佢，結果好有驚喜！🔶新加坡鹹蛋黃單骨雞翼🔶勁多鹹蛋黃包住雞翼🤤入口好香鹹蛋黃味好酥脆，唔會好多炸粉，除咗外層鹹蛋黃味，雞翼亦都醃製過，食落有好濃嘅香茅味，雞翼唔會炸到乾曬仲好juicy，而且單骨方便食用~🔶新加坡鹹蛋黃魚皮🔶以為個雞翼已經好出色，點知個魚皮仲正😍平時買開個啲包裝零食根本冇得比，上枱已經聞到鹹蛋香味，食落脆卜卜，熱辣辣，真係忍唔住，一塊接一塊！🔸街頭串燒拼盤🔸串燒拼盤有雞肉、蝦、魷魚，可惜魷魚已經賣曬，雞肉係香茅咖喱味，非常香口👍本來以為蝦串燒要自己拆殻，但原來餐廳已經拆好，非常貼心，雖然串燒本身已經好夠味，但配埋佢個海鮮辣醬真係畫龍點睛，個醬有啲似XO醬味，但又甜甜哋，好開胃惹味😋🔸輕量地道老鼠粉🔸老鼠粉成煲上，仲用蠟燭一直暖住，放喺度同朋友吹吓水一陣先食都仲熱，個粉味道好惹味，入面有好多菜蒲、花生、肉碎，份量唔會太多，適合細食嘅人可以試多幾樣野食～🔸馬來街頭椰子雪糕🔸呢個甜品擺盤好得意，成個天使咁👼兩隻翼其實係椰子肉，雪糕有3種味揀：榴槤