啤啤Bear韓國包車

营业中

休息中

💜🧡💙闖入韓國機舖食雞🎮相信好多人都知 尖沙咀有小韓國之稱，好容易喺度搵到韓式料理！🇰🇷今次俾我搵到咗依間新餐廳，入面嘅主題同佈置都令人耳目一新！成間機舖咁，勁多打卡位呀！😍🤍WHITE炸雞配脆脆薯格🤍 $178食韓國嘢又點可以錯過炸雞呢？🍗佢有唔同口味，依款WHITE炸雞就係配上酸忌廉沙律醬，食嘅時候唔會太膩😝炸雞炸得外脆內嫩，想更滋味 可以多醬呀！旁邊仲有脆脆薯格增加飽腹感！🥔💛炸芝士豬扒💛 $68平時睇韓劇都有見過芝士豬扒🐷終於有機會食啦！酥脆嘅豬扒，中間夾住拉絲芝士🧀️芝士香味同豬扒融合得好好🐽越食越上癮！❤️辣炒小章魚五花肉❤️ $148想為味蕾帶來刺激就可以嗌返個辣炒小菜！辣得嚟又開胃，小章魚🐙五花肉🥓都裹滿辣醬，惹味又滋味！🧡This Summer🧡 $58依度嘅特飲選擇都幾多，依杯係無酒精嘅菠蘿冰茶，酸酸甜甜 清新解膩！餐廳嘅氣氛好好！打卡位超多，嘢食又有特色🤤聽住K-pop，食住韓食，真係有種去咗韓國嘅感覺🤭BTW記得save post，方便向店員查詢有關韓食啦❣📍啤啤Bear韓國包車📍尖沙咀諾士佛臺1號8樓

尖沙咀諾士佛臺新開左一間韓國餐廳，餐廳裝修設計花盡心思、有籃球機、跳舞機、大型電子屏幕等設計，音響效果超強勁，感覺好似韓國disco咁🤣辣炒小章魚五花肉 $148🐙QQ小章魚分量十足大約有20隻左右，配埋五花肉、娃娃菜、蘑菇、洋蔥、青椒等配料炒埋一齊。章魚口感彈牙易咬，整體味道甜甜辣辣幾惹味如果配飯食一流🤤Butter X Garlic 炸雞配脆脆薯格 $178呢間炸雞同平時韓式炸雞唔一樣🤔外型口感都似日式炸雞但炸粉冇咁多而且無骨。我個人覺得呢款炸雞好食啲🤣外脆內軟食落啖啖肉，蜜糖蒜香味突出，第一啖感覺好似食韓國蜜糖牛油薯片既味道👅係有feel 的，雖然薯格唔多但贏在食落夠熱又可以過下口忍🤤蟹籽海鮮蛋卷 $138比起平時食嘅蛋卷大份足料好多，入面嘅餡料有魷魚🦑蝦🦐蔥粒🧅配合埋白汁芝士醬和大量蟹籽真係多到滿瀉🤩，食落口真係啖啖餡料超級滿足🤤價錢同份量係成正比既🤓Drink Me! $58呢杯係無酒精手調特飲，由西柚做主打，飲落唔算太甜帶出微微西柚香。小總結，呢間韓國包車無論食物、環境、裝修都比另一間韓國包車高質👍🏻而且食物好大碟，啱晒約埋三五知己一齊食

尖沙咀諾士佛臺新開張嘅啤啤Bear韓國包車，裝潢設計採用韓國機鋪設計，場內嘅玩樂設施，例如籃球機、跳舞機擺設，好似韓國弘大啲炸雞店咁～加埋店內店外都有Y2K霓虹燈光裝飾，返到90年代咁外面仲有個全身鏡打卡位坐位格局嚟講係好適合一大班人收工聚下，座位好多都唔會間得太逼食物方面首先叫咗海鮮芝心蛋卷 🐙，有啲海鮮魷魚粒粒配白汁喺蛋卷入面辣炒小章魚五花肉 $148唔算好咸，小章魚五花肉份量都唔少 食極仲有咁五花肉切埋條狀 加埋有菜都幾入味個感覺有少少似中式炒餸 好想配飯食嗰種會忍唔住食下食下又一舊佢辣度䭏少啲 再辣啲都得RED炸雞配脆薯格 $178韓式甜辣炸雞，辣度適中偏甜少少，薯格好香脆，2個人食嚟講份量都多！Tiki-Taka 檸檬青瓜雞尾酒 $68個人幾鐘意呢款 最有驚喜估唔到檸檬加青瓜口味唔伏仲幾夾酸酸甜甜超清新又解油膩感，酒味都唔會太濃啤酒刨冰 $98聽講係呢間嘅打卡招牌飲品夠凍夠清涼 ～