影片
更多
2012-11-07
184 浏览
尋日先落機, 個人仲Jet Lag緊暈吓暈吓, 今日都未瞓番夠本, 就要起身趕去尖沙咀出席皇家太平洋酒店 の 母親節精選甜品製作班 + 「春日‧盛燕」下午茶自助餐試食會!!!整完蛋糕, 就可以開始試食環節啦, Yeah!!!(左) 燕窩蛋撻 -- 奶味香濃, 口感幼滑, 最重要係... 面頭d燕窩幾大堆頭...(右) 迷你綠茶燕窩卷 -- 個樣好Cute呀!!! 淡淡嘅綠茶味, 鬆鬆軟軟, 唔錯~ 仲要有咁多燕窩, 啱晒姊妹們~(左) 焦糖燕窩燉蛋 -- 焦糖好脆, 燉蛋幼滑, 好味~(右) 燕窩芒果布甸 -- 個樣好靚呀!!! d芒果熟透甜到漏, 布甸好滑, 甜度適中~燕窩濃情流心蛋糕 -- 有驚喜!!! 強勁嘅朱古力味, 中間嘅流心係超流心, 流心入面仲要有燕窩o架, 唔止面頭果d, 好有Heart~章魚燒餅 -- 章魚小丸子就食得多, 章魚燒餅真係第一次食, 材料好足, 味道比較清淡, 冇章魚小丸子咁熱氣, 不過如果可以配埋章魚小丸子必備嘅BB沙律醬同日式燒汁, 應該會更美味~迷你牛肉漢堡 -- 造型可愛, 好吸引人!!! 蕃茄同酸瓜絕對係漢堡嘅靈魂所在, 如果可以多d肉汁就更加
整完蛋糕, 就可以開始試食環節啦, Yeah!!!
(左) 燕窩蛋撻 -- 奶味香濃, 口感幼滑, 最重要係... 面頭d燕窩幾大堆頭...(右) 迷你綠茶燕窩卷 -- 個樣好Cute呀!!! 淡淡嘅綠茶味, 鬆鬆軟軟, 唔錯~ 仲要有咁多燕窩, 啱晒姊妹們~
(左) 焦糖燕窩燉蛋 -- 焦糖好脆, 燉蛋幼滑, 好味~(右) 燕窩芒果布甸 -- 個樣好靚呀!!! d芒果熟透甜到漏, 布甸好滑, 甜度適中~
燕窩濃情流心蛋糕 -- 有驚喜!!! 強勁嘅朱古力味, 中間嘅流心係超流心, 流心入面仲要有燕窩o架, 唔止面頭果d, 好有Heart~
章魚燒餅 -- 章魚小丸子就食得多, 章魚燒餅真係第一次食, 材料好足, 味道比較清淡, 冇章魚小丸子咁熱氣, 不過如果可以配埋章魚小丸子必備嘅BB沙律醬同日式燒汁, 應該會更美味~
迷你牛肉漢堡 -- 造型可愛, 好吸引人!!! 蕃茄同酸瓜絕對係漢堡嘅靈魂所在, 如果可以多d肉汁就更加完美喇~
雞茸燕窩粥 -- 其他食家都揀燕窩濃情流心蛋糕做最有特色試食項目, 但係我覺得呢個雞茸燕窩粥係煮得最好!!! 個粥好綿, 雞茸同燕窩好Match, 味道清淡, 上枱熱辣辣, 好暖胃~可能因為仲Jet Lag緊, 所以KO晒d試食精選之後, 已經飽到唔郁得... 但係眼前自助餐仲有咁多美食, 又點會甘心收手吖~
先食一輪甜品...
(前) 馬卡龍 -- 有食家問我係邊度拎, 點解佢搵唔到... 嘩咔咔咔... 其實佢地係合桃慕斯蛋糕上面嘅裝飾, 全場只得2粒!!! Mini版外型討好, 一啖一粒, 外脆內鬆, 比我尋日係巴黎戴高樂機場食嘅Regular版絕不遜色~(中) 黑白拿破崙 -- 黑白朱古力味道唔錯, 不過上下層自動分開, 有d失色... Opera咖啡味香濃, 好味~
(後) 燕窩西米條 -- 外型吸引, 入口更加吸引, 清香嘅椰汁西米糕, 唔太甜, 好清新~
再戰一輪熱葷...
串燒雞腎好香口, 正!!! 串燒雞肉醬汁過多, 冇串燒雞腎咁出色~ 瑞士雞翼入味之餘又夠腍, 正~ 煎餃子好乾身, 冇多餘嘅油分, 好Good~ XO醬煎腸粉如果可以多d XO醬就Perfect喇~臨尾食多一杯Dreyer's士多啤梨雪糕, 加多一件超甜菠蘿, 為今日嘅試食會畫上完美句號!!!
同場加影~ 超多靚靚沙律!!! 不過我果4個胃有3個瞓緊覺, 剩番果個胃已經填到滿瀉, 已經冇辦法再食啦~ 唯有下次約埋班Friends一齊o黎再戰鬥過啦~
仲有壽司同魚生飯...
甜品區都好吸引~感謝皇家太平洋酒店嘅邀請同款待, 好一餐美味又養顏嘅下午茶~ 好彩飛得切返o黎香港食啫, 呵呵~
.
张贴
