信記避風塘海鮮美食

营业中

休息中

對上一次book信記已經係一月嘅事，之後就因為疫情禁堂食所以擱置，差唔多成年之後終於成事💃🏻晚市分6-8pm / 8-10pm 兩個時段，我地放咗工去所以揀後者。套餐唔包飲品，可以自攜飲品唔收開瓶費，我地一行四人預早少少約左去買嘢飲之後就去到銅鑼灣避風塘碼頭等接駁艇家載我地去信記～短短幾分鐘嘅船程我哋已經雀躍萬分，好似去旅行咁，海風吹埋好chill好舒服，相都未影完就已經到左信記。我地一早已經預訂咗四人餐$1680，首先登場嘅就係白灼基圍蝦同白灼東風螺，正常發揮，冇乜大驚喜。跟住就係蒜蓉蒸蟶子王，另外加蒜蓉粉絲蒸大扇貝。蟶子王同大扇貝個size其實唔係好大，蟶子王有少少沙，扇貝未完全離殼，不過蒜蓉豉油熟油同粉絲夠晒香，都OK。跟住灼油菜一碟，清清味蕾再食濃味嘢唔錯。壓軸嘅係避風塘炒肉蟹、避風塘豉椒炒蜆、招牌蟹油炒麵，係成餐飯嘅highlight。避風塘炒肉蟹有水準，叫咗小辣唔係好辣，蟹肉滑嫩又多，重點係佢d炸蒜好正，真係可以空口食佢d邪惡脆脆，攞嚟撈蟹油炒麵簡直一流！避風塘豉椒炒蜆比炒肉蟹辣，豉椒汁比較濃味，係重口味之選，不過嚟到船上食就係食呢種風味！食物一般，炒肉蟹比較出色，但係有幾

星期五晚上朋友們突然約食晚飯，想吃海鮮，誤打誤撞搵到［信記］我哋先致電預約，再跟據Whatsapp指示去到碼頭等候小艇接載。我哋要嘅係4人餐+1人份量，事前係whatsapp確認咗。提早預約會比較好，如果唔係會冇咁多選擇亦可以自備酒水，船上提供嘅飲品種類不多，有一般罐裝汽水/飲料、瓶裝水等等食物等候時間唔耐，大家閒談一陣，欣賞一下風景，好快就上菜了。如果時間早一點，仲可以欣賞到「幻彩詠香江」～豉椒炒蜆好惹味打包咗啲炸蒜返去撈公仔麵食每個菜式都好新鮮、美味份量不算多，我哋比較大食，再額外加咗一個小食、兩碗燒鴨湯瀨。花枝腐皮卷係咬到一粒粒爽口彈牙嘅花枝架～食飽飽之後Candy安排小艇送我哋返碼頭👋🏻船仔可以容納最多12人㗎～

跟隨家人移民海外多年，對避風塘的印象非常模糊，一切也只是道聽塗說，又或者從網上舊照點滴中記錄下來，熱切希望可以親自體驗這個 「傳說中的避風塘」。早前從飲食網絡的文章中，得知避風塘海鮮美食又再重現眼簾，今次返港雖然行程表已經編排得滴水不溜，但仍然堅持誓要一嘗避風塘的風味 。中午先去九龍區（濕平）再乘坐過海隧道巴士，剛好在 「信記避風塘海鮮美食」 上艇地點下車，咁方便！ 妹妹之前的資料搜集應記一功！傍晚六點半、鹹蛋黃咁大粒嘅太陽徐徐落下斜掛於半空中，幾乎伸手可以捉摸到它，正在拍攝美景之際船家嚷著： （落船喇）， 身軀在搖曳的小艇內遙望過去 ⋯⋯ 傳說中的 粥粉艇、海鮮艇、曲藝艇 不見蹤影，換來一只 廚坊艇 雄赳赳的樹立在前方。小艇停泊後，接著下來當然是一早預定好的四人套餐出場喇 。。。蒜茸蒸蟶子王 $250（時價、預訂）又名「西施舌」的蟶子，有誰不愛與「她」來一個法式熱吻，質感並沒有因為龐大的嬌軀而變得堅韌，相反（妃子的舌頭）填滿了整個嘴巴， 鮮甜嫩滑、軟玉溫馨抱滿懷的感覺，令人想入非非！果皮蒸九孔鮮鮑魚 $200（時價、預訂）上桌時那股逗人的果皮香氣實在叫人難以抵擋，爽嫩鮮甜的鮑魚，沾點