羅麥記 (已結業)

星期日，我們去希慎廣場逛完書店，看看時間尚早，大約十一點，不知在那裏吃午餐，無意中見到14樓有一間懷舊的餐廳就是「羅麥記」我們先被他的裝修設計吸引，然後發覺價錢也很大眾化，環境不錯，由於未到繁忙時間，所以我們可以坐靠近窗邊的卡位，這樣便可以拍到好多美麗的餐廳照片。「羅麥記」以香港六、七十年代的冰室做主題，懷舊的設計令人想起昔日的香港茶餐廳，感覺好像時光倒流，讓大家回到過去粵語長片的情景。它的特色墻，介紹「羅麥記」的創作理念和資料，是拍照焦點。餐牌編印清晰吸引，圖文並茂，每一款食物都栩栩如繪。豬扒包兩食，一件是吉列豬扒，一件是煎豬扒。豬扒包焗得很脆很軟，豬扒夠入味，這個設計很好，我可以嘗試到一個包有兩種食法，真不錯。避風塘鮮魷，份量都不少，外邊炸得甘脆裏面軟香，有咬口，但不會太鹹，賣相和味道都有水準。乾炒豬扒一丁，單單望這個賣相，已經知道經典食品，豬扒炸得夠火喉，再加上芝麻，不用說當然是惹味可口，冇得輸呀!避風塘牛肉炒河屬中辣，夠邪惡、夠鑊氣，但不會太油，啱曬我喜歡吃辣的人，一會兒已被我們兩個餓鬼吃清光。所以，再來一客無骨海南雞飯，雞肉嫩滑有雞味，油飯非常可口不油膩，所以很快被我們消滅了

今晚Happy Friday收工約咗朋友去CWB行街，她說去希慎廣場食晚餐（我心想吓希慎唔係得個美食廣場咋咩？因為我通常行到誠品果層就走，所以唔知到原來樓上仲有餐廳😅）雖然這款蝦多士d蝦肉不是很厚，但反而唔會食到蝦還蝦，多士還多士分開晒！蝦肉上放了芝麻和蔥粒，味道好香。至於個多士我和朋友都十分喜歡，因為它不是烤到硬身既多士，口感鬆軟（食落感覺無咁熱氣）。避風塘鮮魷係我每次去親大排檔都會點既菜色！嚟到見到有當然要一試啦！外皮不算太脆，口感有點似穌炸既（又係果句啦，感覺無咁熱氣，都好味既），魷魚肉質彈牙結實，味道不是太濃所以點埋附設的醋汁，就剛剛好喇！

今日去銅鑼灣搵野食! 希慎14/F原來有間裝修懷舊特色餐廳!去到門口見到裝修好得意! 6點幾人客未好多! 去到即刻有位!然後睇下餐廳! 勁多野食! 真係好多呀!不同款式類型既fusion菜! 好特別! 我揀左好耐好耐先揀到...哈哈! 我地2個人最終叫左磚頭焗咖喱軟殼蟹飯、大蝦沙律骰仔西多士、同埋菠蘿冰!磚頭焗咖喱軟殼蟹飯避風塘鮮魷我覺得佢既份量我覺得足夠4個人食！好大個麵包! 好多飯!咖喱汁好香呀！同埋佢有2全隻軟殼蟹！又可以食咖喱飯...又可以食咖喱包! 好有特色！另外既大蝦沙律骰仔西多士非常特別既一味菜! 係用蝦同沙律放係一粒粒既西多士上面!西多甜炸得好鬆軟! 入面又好似蛋糕味咁! 唔會過份甜! 恰到好處! 同埋沙律醬同蝦食! 好味呀! 都幾大舊架!避風塘鮮魷哩個避風塘鮮魷又係好好味呀! 炸得啱啱好!而佢出面既味道亦都係好好味既!  點喼汁食! 正! 最後來一個冰凍菠蘿冰!佢啲冰係星星形架! 飲埋滿足呀!