砂煲兄弟 (東港城) (已結業)

好耐冇食煲仔飯啦！今日天氣寒冷兼落雨，最適合食煲仔飯啦！今日我同女友去左屋企附近以煲仔飯馳名既砂煲兄弟。餐廳以經典嘅大排檔作主題，餐廳一碗一碟都散發香港懷舊氣息，最特別莫過於天花上用可樂玻璃樽製成嘅燈飾。餐廳超多花樣，煲仔飯款式多達十一款，甚至有煲仔麵。- 馬拉盞炒菜心小菜心好爽脆，用馬拉盞炒充滿鹹香，同時又嚐到菜心既鮮甜。- 椒鹽九肚魚椒鹽XX係我去大排檔必叫既菜式，今次叫咗椒鹽九肚魚，炸粉好薄，外皮特別酥脆。魚肉仲鬼死咁嫩。- 雲腿鴛鴦雞煲仔飯飯夠乾身，飯焦好脆，成個煲底都係飯焦，豉油甜度適中，鴛鴦雞指田雞同普通雞，肉質幾嫩滑，不過多骨。- 邪惡金莎西多士餐廳夠細心，等我哋食晒主菜先再上西多士。每粒多士煎到金黃色，中間夾住濃郁既花生醬，加埋榛子醬、煉奶同朱古力醬，真係好鬼邪惡！雖然食之前已經好飽，不過最後我地都食曬！等我下次試下砂煲兄弟既新派煲仔飯，因為實在太好味😋

平時入大商場，好難估到會搵到一間具有懷舊特色裝潢嘅餐廳。位於東港城一樓嘅一個轉角位置，就有一間叫做「砂煲兄弟」既港式餐廳，企喺出面真係會俾佢入邊嘅設計吸引！環境入面有種七八十年代嘅風味，門口嘅左手邊係水吧部，右手邊係收銀枱，行到入面最盡就係廚房。就行入去睇吓有咩食啦，裏面原來都幾大，主要分咗兩邊嘅枱櫈，一邊係卡位為主，而另一邊有長枱同兩人/四人枱，如果大圍過嚟食都容納得到。我同友人就坐咗卡位，感覺舒適啲同空間大啲。靜落嚟就聽到有五六十年代嘅歌聲，係許冠傑嘅歌，原來呢度唔單止裝修係懷舊，仲配埋懷舊金曲。 一坐低就迫不及待睇吓餐牌有咩食，選擇有分幾類：煲仔飯，粉麵類，小菜同燉湯。 黎到砂煲兄弟，梗係要試吓佢最有特色嘅煲仔飯，另外點左港式餐必備嘅牛仔骨，仲有焗蜆，甜品就揀咗個西多士。馬來沙嗲火焰牛仔骨 $98 嗌完之後啲嘢食都好快到，首先上咗個牛仔骨，上菜嘅時候點上火燒左一陣，肉質唔會好韌，放入口啱啱好，味道都足夠，唔會太鹹。配上洋蔥同紅椒。 牛油蒜蓉焗蜆 $94之後上左焗蜆，值得稱讚嘅係啲蜆係啖啖肉，餐廳選擇嘅係比較優質嘅蜆，唔似一般茶餐廳既無乜口感，呢度嘅蜆咬落去好有口感，而且感覺好新鮮

剛搬入將軍澳的我在附近找找餐廳品嚐美食新開的砂煲兄弟，有些少舊式設計 坐位滿多的也有BB椅提供，很適合一家大小來吃飯餐牌上很多都重複了 所以選招牌上幾款也足夠三蔥牛仔骨 $88 牛仔骨夠淋，配上大量洋蔥和京蔥梅菜扣肉 $78 入口即溶既半肥瘦扣肉，夠灑淋身已經好少地方有得食肉醬意粉 $68 醬肉非常多鋪上意粉上面 配上了芝士邪惡金沙西多士（半）$38剛剛炸起的厚身西多士 配上了煉奶+朱古力醬 也放上了黑白朱古力 甜甜的 用作下午茶是非常飽肚的蜂蜜荔枝爽 $14 凍咖啡 $18味道賣相衞生服務抵食推介