Dodam Chicken (1亞太中心) (已結業)

APM人多多，想食餐飯都要排隊等位，近近地行去隔離亞太中心就有好多選擇。今次想食韓國菜，就揀咗哩間試一試。餐廳環境乾淨企理，座位都幾多，裝修風格偏西式，配埋雲石枱面感覺更高級。👑部隊鍋 $188湯底濃郁帶少少辣味，唔係好食得辣嘅我都食到，撈埋芝士更加香濃。泡菜味道酸酸辣辣好開胃，餐肉、香腸、金菇質素都唔錯，韓式公仔麵果然最好食，年糕都煙韌有咬口😋 ✨韓式海鮮煎餅 $155餅底香軟有咬口，蛋香味濃，食落啖啖海鮮夠足料。煎餅大大塊份量十足👍🏻✨黑松露卡邦尼年糕 $155黑松露味道濃郁，卡邦尼都好香濃，唔會過膩，年糕好煙韌😍 好少見外面會配魚糕片同竹輪，配搭新鮮，充滿韓式風格💜✨Grapefruit ade $40西柚味香濃帶甜，但我自己喜歡帶少計酸澀嘅感覺，所以對我唔太吸引，但愛甜嘅朋友應該會喜歡。✨HITE $50正常樽裝啤酒，不過不失。🔍整體感覺：餐廳環境寬敞，座位都頗舒適，職員服務良好，上菜速度都算快。食物質素同味道都好，份量亦算頗多，性價比都唔錯。各方面表現都ok，值得再去，下次一定要試炸雞👏🏻

襯放寬番同母親節，即刻簡左間食個晚飯。首先叫左個部隊鍋，份量屬於一至二人份，餐肉、金菇、麵呢啲都有，味道辣辣地唔錯👍🏼跟住叫左個芝士薯條，熱食相當唔錯，尤其是橙橙地色果種地瓜條，超好食，美中不足係啲芝士唔太拉絲😿另外雞肉炒飯味道一般，無乜太大特別人参雞湯味道都幾好，人参味足夠，雞肉都算嫩口，不過佢就唔似出面啲人参雞咁有啲糯米食，反而係有粉絲，呢個都幾值得食👍🏼最後極度推介既係蜂蜜蒜蓉味既炸雞，我地叫既係無骨炸雞，超林超好食，蜜味充足，甜甜地又有啲啲蒜味，每一舊又唔會太大，適合啲唔中意有骨既朋友👍🏼最後埋單1000蚊有找，5個人食，都唔算太貴，性價比高👍🏼應該都會再去食過，尤其是再試下其他味既炸雞🍗

最近開始在追韓劇，真係間中都會想食韓食!🤩呢一日剛好在觀塘，看到Dodam Chicken🥣入面食物好似好多選擇，所以就試下!😋-食物方面選擇幾多，小食我點了千層酥薄餅🍕第一次試韓式的薄餅，有滿滿的芝士🧀同泡菜，好鬆脆💯好邪惡又驚喜! 有別於其他西式PIZZA!鍾意試新野的朋友我推薦呢!🧡-由於今晚唔想食炸雞，但又好想食邪惡野🥳所以我點了部隊鍋，真係好邪惡🤤入面齊晒所有應有的材料，當然有芝士同年糕🫕味道方面唔太辣，如果唔食太辣的朋友會岩😙我個人就覺得可以辣少少🌶但份量十足呢!🥦🥬🥒🫑-這間的環境好大，好多位置，好闊落💡不過食物價錢算比較中間如果2個人食，未必可以食到好多款式呢~😝