Cafe 360 (已結業)

再來一個唔想煮飯的晚上，一個人係西九龍中心搵食。經過6樓Cafe 360，呢間餐廳已經唔係第一次黎，呢度既職員比我感覺係非常好，每次經過，職員都會行出門口介紹當日既優惠晚餐，入座後會即時遞上MENU，服務貼心。今晚自己一個，就叫咗職員介紹既酥皮湯晚市套餐，套餐包括酥皮湯、肉醬意粉、餐飲。呢度既酥皮湯水準一向唔錯。入面係忌廉蘑菇湯，湯唔算太濃，有蘑菇味及隱約有點奶味。肉醬意粉，味道沒有太大驚喜，肉醬份量非常充足。呢度最值得讚既係職員既服務態度，非常友善親切，無論想落單、埋單、都好快會有職員跟進，食完既碟好快會有職員收走，以連鎖店黎講，呢個服務真係好值得比個讚！

難得去西九龍中心開餐，所以搵左間環境唔錯既café食下，餐廳都幾有氣氛韓feel得黎又做到開放式café既感覺。菜單上有2人套餐但我地怕食唔哂所以叫左2個dinner set，所謂的dinner set 都係一個主菜同一杯飲品，另外可以加佢地既甜品：馬卡龍，窩夫，cake等等。我叫左個意粉，個名唔記得左～～但個味道好特別，有點泰式，可能有檸檬同香草，所以感覺上有Thai Feel~ 朋友就叫左個石頭鍋炸雞飯，石頭鍋唔熱，D雞又有點凍，整體上呢個飯就有點失望，因為當晚人唔算多，會期望D食物是熱的。由於朋友好鍾意酥皮湯，所以另外加錢要左酥皮，都要讚下個酥皮即叫即整，十分熱，要好小心咁食。個磨菇湯配合酥皮都好一流，記得keep 住個水準～ 

前排同男友慶祝六週年紀念就係屋企附近覓食。係西九龍中心經過，見裝修唔錯，個二人套餐好似幾抵食就入左去lu~酥皮湯：酥皮好脆，湯夠濃，熱辣辣飲好正！想再飲芝士雞翼：炸得好脆，如果啲醬再多啲就更好，會好味好多，會無咁乾。什扒鐵板燒黑椒飯：有豬扒，雞扒，蝦，啲扒整到有啲乾，但個飯配黑椒汁幾特別，黑椒汁略嫌甜左啲。紅豆綠茶雪糕窩夫：好厚既窩夫，記住連埋雪糕紅豆一齊食，紅豆好稔好好味，唔會話好甜。茶：不建議選用，只是用茶包沖。。。總括黎講，唔好睇少佢個份量，兩個人食到好飽！