麻辣派對 (瑞生酒店) (已結業)

人來人往都好多人食哩間因為食生日飯所以第一次叫咁多大盤主食蒜香小龍蝦先講明 小龍蝦我唔吃頭 淨食肉過口癮肉就一定少但價位唔算抵食蒜味幾香幾正但缺點 佢炒唔入去個龍蝦肉度即使佢開咗半邊蒜炒香菇龍蝦🦞哩個味道同小龍蝦差唔多勝在佢多肉少少但一樣唔抵食 因為龍蝦去到200-300價位但勁細隻又唔多肉 根本食唔到啲乜汁底基本上正路 但真係唔抵食酸菜桂花魚（小辣）哩個唔算差 質素浮動大（食過幾次）但普遍佢差極有限 桂花魚肉薄軟又林都算多嘅啲魚 配菜基本都多 另外加嘅嘢一般上似邊爐料整熟 （無討論空間）整體唔差麻辣烤魚（小辣）烤魚佢又唔差 個汁好香 浸住魚啲辣入哂魚肉雖然咁浸住 明火一般都好易索汁但佢個汁又真係幾好食魚有烤煎過 食落仍有一陣陣燶香魚質就正路不過不失唯一無奈佢碎紅椒太多 底啲嘢好難夾小菜咕嚕肉哩碟嘢我食足兩碟因為好好食佢整到個肉外脆內嫩甜甜地 好開胃 再者佢肉以一碟嚟講算多真心勁好食 仲要食到忍唔住叫多碟口水雞辣度一般雞肉唔算好嫩口 雞肉好鞋食唔哂！因為唔算好食 可以免叫

兩碟餸都係嗌中辣，不過畀我相像中唔辣，非常易入口😹😹 辣子雞加咗五花肉，兩種肉都炸得脆卜卜，配埋啤酒一齊食就啱哂🍻 酸菜魚比較辣少少，但係都接受得到，加埋水晶粉、豆腐、土豆，全部都好入味🙌🏻 下次要挑戰一下大辣🌶🌶🌶😛-🐔 歌樂山辣子雞 $158🐟 酸菜桂花魚 $288

朋友生日去一間佢哋唔食辣嘅餐廳食飯真係幾搞笑😂不過朋友有陣時就係咁㗎啦你就下我我就下你！入到去好似去咗一個花花世界甘，睇住咁多繽紛嘅色彩，個人心情都好啲啊，更加喜上加喜。叫左一個我鍾意食嘅酸菜魚桂花魚先，再諗住加一啲配料去襯托下。嘩點知咁多款其實都有排揀呀！每個人又可以揀啲自己鍾意食嘅配料可以拼湊得好豐富，加左金針菇、水晶粉同埋土豆。啲水晶粉都幾多如果可以再多啲咬口就更加好。另外我哋都好鍾意食雞，不如叫招牌例牌口水雞，今次嘗試跳出下自己嘅舒適圈，叫BB辣，反而有特別驚喜喎，個辣幾香都OK。仲要左個乾煸四季豆，我係非常之鍾意呢個菜式，炒得夠乾身加埋啲肉碎調味係非常之惹味，可以送幾碗飯添啊。叫埋兩杯凍檸茶大大抔，齊齊分享，食物同生日、朋友相處之間都係一樣，固然要繼續分享。讓我們繼續分享愛。

呢間餐廳麻辣派對真係真係真係想食咗好耐，今日朋友生日就一於食啦！我哋去到都覺得餐廳幾靚嘅，以花為主幾特別。冇諗過會同麻辣組合埋一齊。之後就叫左一個酸菜魚桂花魚加左金針菇水晶粉同埋土豆🥔。咁個份量都幾大幾一定夠食，桂花魚又滑啦比較少骨。咁佢酸菜都幾多嘅，我就覺得可以再酸少少。朋友就唔係太食辣所以就叫左走辣啦所以有啲可惜。咁拼埋水晶粉金針菇好豐富。之後梗係要叫啲招牌例牌口水雞啦，要左BB辣咁佢都幾香嘅配料好豐富啲雞又滑，BB辣都OK，朋友都幾鍾意。仲要左個乾煸四季豆，朋友勁鍾意呢個因為佢個豆炒得好香。不過我就覺得如果個豆可以在有啲口感唔好咁軟咁就更加正。叫埋啲凍檸茶夠晒大抔，一邊食一到開埋派對一邊飲凍檸茶夠晒爽，歡樂氣氛。現場都好多客仔咖睇得出好受歡迎，我覺得如果香港可以再推廣一下食辣文化就更加好因為我係一個麻辣控😈