品記鮮粉人家私房菜館

营业中

休息中

有朋友推薦呢間私房菜，雖然位置唔係大馬路但都易搵。下午六點已經門庭若市啦，生意火爆可睇到佢人氣之高。我地四條友，叫左酸菜魚，麻辣雞煲，滷水拼盤同一碟時菜。酸菜魚非常霸氣，量足味美，魚片嫩滑，辣味都夠香夠足，愛食辣既朋友不要錯過。要讚下佢間既滷水拼盤，得到了潮汕朋友既認可。無論係腎，肚，牛展都新鮮足味。價格實惠公道，下次會再光顧

秋風起，同朋友提議不如去滾，恰下恰下土瓜灣品記鮮粉人家私房菜館，其實之前都食過一兩次，價錢親民，性價比都高，場地非常之大，枱與枱之間闊落，店內基本上全部都係圓枱，坐落都幾舒服值得一題嘅呢度係一樓，大概喺浙江街街尾位置，坐地鐵喺土瓜灣站行過嚟都係2分鐘，行到過嚟就見到個好光猛嘅門口，8:00左右嚟到，大概等咗10 分鐘女店員就好快安排入座酸菜魚$168（海鱸魚）魚肉勁滑，魚片唔會太厚又無骨，酸菜爽口，湯底濃手切牛$188睇相就知靚，牛肉肥瘦均勻，有牛味，雖然兩個人叫咗半碟，但係份量都唔少。最後仲叫咗個粉絲索埋酸菜嗰啲汁正埋單兩個人$478，每人二百零蚊食到飽一飽

呢間餐廳是在樓上舖，只係揸車經過的時候看到，就去試一試。好耐冇返大陸食酸菜魚啦！見到有就試一試，點知真係覺得超水準。店鋪環境都不錯，尚算光猛乾淨,冷氣充足，雖然有啲嘈，但係都好熱鬧嘅氣氛😊之前試過好多餐廳嘅酸菜魚都唔好味，完全晤掂。呢度酸菜魚鍋，用鱸魚造的，魚肉冇骨又滑，湯底夠哂香濃，酸辣味道剛好，食完之後，再打邊爐🍲真係好正。佢嘅火鍋配料都非常唔錯，又新鮮。☺️同埋肥牛🐂又靚大碟。啤酒🍻仲係用戰鬥碗去飲又夠凍，份外有風味😍打打邊爐食雞煲唔少得佢呢間餐廳仲有雞煲，小龍蝦🦞都出名㗎，下次都要黎試吓先😍

放工想輕鬆减壓，最好一定就係約齊飯腳打鞭爐邊食邊飲，真係越夜越嚟有氣氛，估吾到土瓜灣嘅橫街窄巷，竟然可以有咁多人食飯。餐廳好大好多枱，但係即使過咗八點後都建議先book位，如果唔係我相信都幾難會有位。酸菜魚(海鱸魚）$168魚片超滑又無骨，湯底超濃郁😋，估唔到魚可以咁滑。手切牛$288牛肉靚到真係冇嘢講，睇相就知道😋呢到真係好熱鬧，雖然傾偈有少少辛苦，但係氣氛真係好，呢度用呢隻戰鬥碗飲啤酒真係好過癮，餐廳隻碗仲要冰凍過，值得一讚👍